پودكاسط علاش وكيفاش بالدارجة

لحلقة واحد و سبعين على لمفهوم ديال لأستاذية.

علاش شي ناس كيعطيو لراسهم الشرعية باش يقولو هوما اللي كيعرفو كثر؟ واش غي حيت شي واحد كبر منك ولا عندو ديبلوم زعما صافي را خاص تسمعلو؟

لموسيقا: ماسة بوشافة - الكاغض

پودكاسط علاش وكيفاش بالدارجة

لحلقة سبعين على لمفهوم ديال التورة.

شنو هي تورة وعلاش تاتجي؟ واش عندها شي فايدة ولا غي مشاكل؟ شكون تيربح منها وكيفاش خاص لواحد يشوفها؟

لموسيقا: обосранный герой · мой друг магнитофон

پودكاسط علاش وكيفاش بالدارجة

لحلقة تسعود و ستين على لإزدواجية د  لمعايير. 

علاش كاينة لإزدواجية د لمعايير واخا كلشي تيقول باللي را خايبة؟ وشكون اللي ف مصلاحتو يطبّقها وعلاش؟

لموسيقا: مولاي أحمد الوكيلي - أيا فاضح البدر عند التمام

پودكاسط علاش وكيفاش بالدارجة

لحلقة تمنية و ستين على لإستراتيجية.

واش الإستراتيجية نخبوية ولا يقدر يديرها أي واحد؟ كيفاش تقدر تبدا تدير ستراتيجيات مزيانين وشنو اللي خاص تفكر فيه ديما ملي تبدا تبلاني؟

لموسيقا: سلواح د ميلودة - انسى اللهم انساك

پودكاسط علاش وكيفاش بالدارجة

لحلقة سبعة و ستين على لمسؤولية.

شنو هي لمسؤولية ولمن تاتكون؟ واش اللي دار شي قرار هو اللي مسؤول عليه؟ ولا اللي طبقو؟ و لا بجوج؟ وعلاش؟

لموسيقا: Cameleon - Youm el Harb

پودكاسط علاش وكيفاش بالدارجة

لحلقة ستة و ستين على لأناركية.

لأناركية تاتقول باللي بنادم يثدر يعيش ف مجتمع بلا دولة. ولكن كيفاش غادي يدير؟ و والش فايت وقعات؟ شنو لفرق بين لأناركية والشيوعية والرأسمالية؟ وعلاش بزاف تينتاقدوها؟

لموسيقا: حادة أوعكي و بناصر أوخويا - أويد أمان

پودكاسط علاش وكيفاش بالدارجة

لحلقة خمسة و ستين على لحرب.

علاش كاينة لحرب واخا كلشي تيقول باللي خايبة؟ علاش ماشي اللي تيقرر لحرب هو اللي تيشارك فيها؟ و واش يقدر يكون شي عالم فيه ديما السلام؟

لموسيقا: Виктор Цой - Последний Герой

پودكاسط علاش وكيفاش بالدارجة

لحلقة ربعة و ستين على التعاطف مع الناس.

كيفاش تاتختار شكون تيبقا فيك وتاتعطيه لأولولية؟ واش تاتوقف عند كاع السعايا اللي تاتشوف؟ وشنو اللي تيخليك تفرق ف الطرق د التعاطف مع الناس؟

لموسيقا: Hot-Dogg - Tuk De Ming

پودكاسط علاش وكيفاش بالدارجة

لحلقة تلاتة و ستين على لكفاءات ف لبرلمان.

واش هانية يكون عندنا برلماني ماتيعرفش يقرا لا كانو أصلا ف الشعب ناس ما قاريينش؟ ولا خاص ڭاع  الناس اللي تيمتّلو الشعب يكونو قاريين ويكونو نخبة؟ وشنو تاتقول الديموقراطية ف هادشي؟

لموسيقا: Modena City Ramblers - I Cento Passi

پودكاسط علاش وكيفاش بالدارجة

لحلقة تنين و ستين على الدراري.

علاش تيولدو الناس الدراري وكيفش تبدلات النظرة ديالهم مع لوقت؟ شنو اللي تيخلي شي وحدين ضد لولادة و شكون اللي عندو لحق؟

لموسيقا: Jake La Furia - El Party ft. Alessio La Profunda Melodia

پودكاسط علاش وكيفاش بالدارجة

لحلقة واحد ستين على لفساد.

علاش كلشي متافق باللي لفساد خايب و واخا هاكا تاتلقاه غادي وتيزيد؟ كيفاش تانقدرو نحسبو شحال د لفساد كاين وكيفاش نقدرو نحبسوه؟

لموسيقا: سلام أريفي - ثناي مايمي ثترود

پودكاسط علاش وكيفاش بالدارجة

لحلقة ستين على التواضع.

واش مزيان يكون لواحد متواضع وعلاش؟ واش بالصح كاين اللي ما غادي يحتارمك غي إلا فرعنتي عليه؟ وشنو اللي كيخلي شي ناس يضسرو على شي واحد إلا تواضع معاهم؟

لموسيقا: DUSMINGUET - El teu amor

پودكاسط علاش وكيفاش بالدارجة

لحلقة تسعود و خمسين على لإنضباط.

شنو لفرق ما بين يكون عندك روتين ديالك ومابين تدير أي حاجة تقالت ليك؟ فين كاين الحد ما بين تتبع لقانون وما بين تدير عينك ميزانك؟ وشكون اللي عندو لحق يفرض عليك لحوايج اللي خاص تدير؟

لموسيقا: Imarhan - Awadagh Amchachwar

پودكاسط علاش وكيفاش بالدارجة

لحلقة تمنية و خمسين على الديبلوماسية.

واش مزيان لإنسان يكون ديبلوماسي ولا خاصو يكون أغراس أغراس؟ شنو لفرق بين الديبلوماسية والنفاق؟ و واش كاين شي وقت خاص تكون فيه نيشان ومع شكون؟

لموسيقا: يا السمرا توبي توبي

پودكاسط علاش وكيفاش بالدارجة

لحلقة سبعة و خمسين على لحضارة.

شنو لمعنى ديال حضارة وشكون قرّر أتكون هاكاك؟ علاش شي ناس كيحسبو راسهم وصلو وباللي خاصهم يعلّمو ناس خرين؟ وشكون تيعطي لحق لواحد باش يقول على راسو هو متحضر ولا متخلف؟

لموسيقا: Tim Maia – Que Beleza

پودكاسط علاش وكيفاش بالدارجة

لحلقة ستة و خمسين على لفلوس.

شنو لأصل ديال لفكرة د لفلوس وعلاش ولات مهمة ف حياتنا؟ علاش شي خدامي تيتخلصو كتر من خرين؟ و واش خاص ضروري يكونو شي وحدين فقراء باش وحداخرين يكونو أغنياء؟

لموسيقا: Amin Khattabi - Takar Rkhazran

پودكاسط علاش وكيفاش بالدارجة

لحلقة خمسة و خمسين على لقانون.

لاش تيصلاح لقانون و واش نقدرو نعيشو بلا بيه؟ شنو التأتير اللي عندك كمواطن على لقانون د لبلاصة اللي ساكن فيها؟

لموسيقا: Слезки - Белый день

پودكاسط علاش وكيفاش بالدارجة

لحلقة ربعة و خمسين على التطوع.

شنو اللي كيخلّي الناس يبغيو يديرو شي خدامي بلا ما يتخلّصو؟ و علاش؟ و شنو لحوايج الزوينة و لخايبة اللي كاتجي مع بحال هاد التطوع؟

لموسيقا: Orchestra Baobab - Utrus Horas

پودكاسط علاش وكيفاش بالدارجة

لحلقة تلاتة و خمسين على لإنتخابات.

شنو هو لمفهوم ديال لإنتخابات وعلاش تيحتاجوه الناس فحياتهم؟ واش ديما لإنتخابات كاتعني الديموقراطية؟ و واش ديما تينفع التصويت ف أي نتخابات؟

لموسيقا: مايريخ النشاط - لحسن لخنيفري، لحسنية، عيشة مايا

پودكاسط علاش وكيفاش بالدارجة

لحلقة تنين و خمسين على الرأي.

شنو هو رأي وكيفاش تادير باش يكون عندك واحد؟ شنو لفرق بينو و بين لحقيقة؟ و واش ضروري يكون عندك رأي على كلشي؟

لموسيقا: Tan Bionica - Wonderful Noches

پودكاسط علاش وكيفاش بالدارجة

لحلقة واحد و خمسين على لوصاية.

علاش بنادم عزيز عليه يقولك شنو تدير وكيفاش تدير؟ شنو اللي تيخلّي الناس تيبغيو يتدخلو ف لاخرين ويفرضو عليهم كيفاش يعيشو؟ وشنو لحل؟؟

لموسيقا: آفيتشي - ريفر

پودكاسط علاش وكيفاش بالدارجة

لحلقة خمسين على لإبداع.

واش بالصح غي اللي شبعان و مسالي هو اللي تيكون مبدع؟ علاش تانقمعو داكشي اللي تانبغيو نديرو وشكون تيقرر ف شنو اللي خاص كل واحد يدير أصلا.

لموسيقا: معتوب لوناس - آين آين

پودكاسط علاش وكيفاش بالدارجة

لحلقة تسعود و ربعين على السلطة.

شنو هي السلطة وشكون تيعطيها؟ واش السلطة دايمة ولا تاتمشي؟ ويلا عندنا السلطة كيفاش خاص نخدّموها على هادوك اللي تانحكمو عليهم؟

لموسيقا: لإخوان بوشناق - جننوني

پودكاسط علاش وكيفاش بالدارجة

لحلقة تمنية و ربعين على السلاك.

واش تاتعيش حياتك باش تطلب التعادل ومايكون عندك تامشكل؟ ولا تاتناقش كلشي؟

علاش تيبغيو الناس غي يسلكو؟ و واش مسلكا هاد لقضية؟ 

لموسيقا: Aggio girato lu munno - NCCP

پودكاسط علاش وكيفاش بالدارجة

لحلقة سبعة وربعين على النضال.

شنو معنى تكون مناضل و واش تاتستاحق تضحي علاود ناس آخرين؟ واش خاص نحتارمو لمناضلين ولا داكشي اللي كيديرو عادي؟ و شنو اللي كيخلي لواحد يولي ناشط و يشوف لمجتمع كامل و ماشي غي راسو؟

پودكاسط علاش وكيفاش بالدارجة

لحلقة ستة وربعين على الرقابة.

شنو هي الرقابة وشكون تيقرر ف شنو اللي خاص يتقال و على أي أساس؟ واش يقدر كلشي يتقال ولا خاص لواحد يدير الرقابة على راسو واخا يسكت على لحق؟

پودكاسط علاش وكيفاش بالدارجة

لحلقة خمسة وربعين على لإخبارات.

واش خاص ديما تتبع أي حاجة جاتك وتجاوب كلشي، ولا خاص تحبس وقتاش؟ شنو لحدّ بين تتبع لخبار وبين تغرق وبين ماتبّع والو؟ و كيفاش تقدر تدير التوازن فحياتك؟

پودكاسط علاش وكيفاش بالدارجة

لحلقة ربعة وربعين على النقاش.

شنو هو النقاش وشنو لفرق بينو وبين لمدابزة ولا لأستاذية؟ واش خاصك نتاقش مع أي واحد ولا خاص تحبس واحد لوقت؟ وعلاش أتختار تناقش مع شي واحد ومع واحد آخر لا؟

پودكاسط علاش وكيفاش بالدارجة

لحلقة تلاتة وربعين على لإپيسطوقراطية.

واش الديموقراطية فيها مشكل حيت كاتخلي كلشي يشارك، حتى اللي ماعارفش مصلاحتو؟ واش ڭاع الناس خاص يصوتو، حتى اللي ماعارف والو؟ ولاّ خاص يكون امتحان و تاخد حقوقك على حساب شحال جبتي؟ 

پودكاسط علاش وكيفاش بالدارجة

لحلقة تنين وربعين على الديبلوم.

لاش تيصلاح ديبلوم وواش مزيان يكون عندك؟ شكون اللي ختارع الديبلوم وعلاش شي ديبلومات تيتحسبو حسن من آخرين؟

پودكاسط علاش وكيفاش بالدارجة

لحلقة واحد وربعين على لعطلة.

شنو هي لعطلة وعلاش كاتحتاجها؟ واش فخبارك النضال و السياسة هوما اللي خلاوك تخدم بقوانين لمصلاحتك وتتخلص واخا ماتخدمش؟

پودكاسط علاش وكيفاش بالدارجة

لحلقة ربعين على لبلوكشين.

شنو هي لبلوكشين و علاش كلشي كيهضر عليها؟ واش بالصح تقدر تربح فيها لفلوس بزاف؟ و علاش مانعينها شي بلدان؟

پودكاسط علاش وكيفاش بالدارجة

لحلقة تسعود و تلاتين على الصحبة.

علاش بنادم تيكونو عندو الصحاب؟ و واش تيبقاو دايمين من لولادة تال لموت؟ شنو لفرق بين لحب و الصحبة؟ و واش صحابك تيتقلقو إلا ماجاوبتيهمش بالزربة ف فيسبوك؟

پودكاسط علاش وكيفاش بالدارجة

لحلقة تمنية و تلاتين على لموت.

واش تاتبدل النضرة ديالك للموت إلا شفتيها بطريقة علمية ولا دينية؟ واش لإنتحار أنانية ولا حق د  لواحد؟ و علاش لبكا ومورا لميت خسارة؟

پودكاسط علاش وكيفاش بالدارجة

لحلقة سبعة و تلاتين على حقوق لإنسان.

شنو هي أهم لحقوق ديال بنادم و علاش خاص تكون عندو؟ واش لحقوق خاص تكون لڭاع الناس ولاّ خاص يتفرّقو على حساب لبلاصة و الثقافة؟

پودكاسط علاش وكيفاش بالدارجة

لحلقة ستة و تلاتين على لهجرة.

علاش بنادم تيهاجر من بلاصة لبلاصة؟ و كيفاش لهويّة ديالو تاتأثر بهاد لهجرات لمتتابعة؟

قتاش بدات لحدود و لفيزا من بلاد لبلاد؟ و واش تاتعرف سياسة "أستراليا البيضاء"؟

پودكاسط علاش وكيفاش بالدارجة

لحلقة خمسة و تلاتين على لوعي.

شنو لمعنى ديال تكون واعي، وكيفاش تاتحدّد شي واحد واش واعي ولا غي سامع؟ و واش بالصح شي مرّات حسن تكون ماعارفش و تعيش مرتاح؟

پودكاسط علاش وكيفاش بالدارجة

لحلقة ربعة و تلاتين على التطبيع.

شنو لمعنى ديال التطبيع وعلاش عندو علاقة بلمبادئ؟ واش لحاجة اللي ماشي طبيعية تقدر تولي عادية وطبيعية مع لوقت؟ و شنو اللي تيخلّيها تولّي مقبولة؟

پودكاسط علاش وكيفاش بالدارجة

لحلقة تلاتة و تلاتين على النخبوية.

واش النخبة فمجتمع حاجة مزيانة و لا خايبة؟ واش احسن تكون مساواة و كلشي يختار واخا ماعارفش؟ ولا غي اللي عارفين و فاهمين مزيان هوما اللي خاص يحكمو و يقررو؟

پودكاسط علاش وكيفاش بالدارجة

لحلقة تنين و تلاتين على لمبادئ.

شنو هي لمبادئ و علاش تاتكون عنّا ف حياتنا؟ شنو اللي خاص يوقعليك باش تتخلى على لمبادئ ديالك ولا تبدلها ولا تبيعها؟

پودكاسط علاش وكيفاش بالدارجة

لحلقة واحد وتلاتين على لإديولوجيا.

شنو هي لأفكار اللي تاتحكم فالمشاعر د الناس و تاتهيّجها؟و علاش صعيب تبدّل لأفكار ديالك مع لوقت؟

پودكاسط علاش وكيفاش بالدارجة

لحلقة تلاتين على لعدل.

أشنوهوا لعدل و علاش بنادم دارو؟ واش لعدل هو ديما لمساواة؟ و علاش كاين اللي تولد بحال دابا عندو لفلوس و اللي تولد ماعندوش؟

پودكاسط علاش وكيفاش بالدارجة

لحلقة تسعود و عشرين على لإدمان.

شنو لمعنى ديال ماتقدرش تعيش بلا شي حاجة؟ و باللي ماتاتبقاش تتحكّم ف راسك؟

شنو لفرق بين لإدمان و لولف؟ و باش تاتعرف راسك نتا فإينا مرحلة؟

پودكاسط علاش وكيفاش بالدارجة

لحلقة تمنية و عشرين على اللغة.

كيفاش بدات اللغة عند بنادم و واش أصلا معروف لأصل ديالها؟

واش نتا هو نتا ملّي تاتهضر لغتك لأم فدارك و لا شي لغة خرا فلخدمة و لا فلعطلة؟

پودكاسط علاش وكيفاش بالدارجة

لحلقة سبعة و عشرين على لفيديرالية.

شنو هي لفيديرالية وعلاش تاتطبقها شي بلدان بلاصة ماتكون عندها غي حكومة مركزية؟

واش بالصح لفيديرالية تاتجيب ديموقراطية كتر؟ و شكون كيربح منها؟

پودكاسط علاش وكيفاش بالدارجة

لحلقة ستة و عشرين على لمدراسة.

علاش تدارت لمدراسة أول مرّة و شكون مستافد منها؟ علاش الدول تاتبني لمدارس؟ و علاش شي دول بانية مدارس ديالها فبلدان آخرا؟

واش خاص نتعلمو داكشي اللي بغينا ولا داكشي اللي بغاونا نتعلمو؟

پودكاسط علاش وكيفاش بالدارجة

لحلقة خمسة و عشرين على لوقت.

علاش شحال هادي كانت لقيمة د لوقت قل من دابا وماكانتش الناس تاتجارا من حاجة لحاجة؟

شحال تاتعطي د لقيمة لوقتك و شحال تاتسوا عندك كل دقيقة من حياتك؟

پودكاسط علاش وكيفاش بالدارجة

لحلقة ربعة و عشرين على لحبّ.

واش لبغو شي حاجة علمية ولا غي أحاسيس ماعندهاش تفسير؟ واش لحب تيجيب لولف ولاً لولف تيجيب لحب؟

علاش تاتبغي شي واحد مشهور واخا ماعمرك ماتلاقيتيه؟ و واش تا تبغي راسك بعدا؟

پودكاسط علاش وكيفاش بالدارجة

لحلقة تلاتة و عشرين على التاريخ.

التاريخ هو داكشي كلًو اللي خلاوه لينا جدودنا. علاش مهم نعقلو عليه؟ و شنو تيوقع للي تيتعاود عليه التاريخ؟

شكون تيكتب التاريخ و واش داكشي محايد و لا مديور لمصلحة شي واحد ولا وحدين؟

پودكاسط علاش وكيفاش بالدارجة

 لحلقة تنين و عشرين على لإشتراكية. 

بزاف د الناس تيقولو باللي لإشتراكية غي حلمة وماعمرها ما تقدر تتطبق بالصح كيما بان شحال من مرة. شنو لفرق بين لإشتراكية و الشيوعية؟ 

 واش بالصح بنادم قوالبي تيكون اشتراكي لا كان فقير و تيولي رأسمالي لا دار لفلوس؟

پودكاسط علاش وكيفاش بالدارجة

لحلقة واحد و عشرين على لحبس.

واش بالصح إلا سديتي على شي واحد فشي بلاصة لواحد لوقت غادي يولي إنسان حسن؟ واش فلوس الضريبة خاص تمشي للماكلة و النعاس د ناس دارو حوايج خايبة ولا خاص يضبرو راسهم؟

علاش الديموقراطية ولعدل مهمًين باش ماشي يتستًاغل لقانون و يمشيو للحبس ناس مظلومين؟

پودكاسط علاش وكيفاش بالدارجة

لحلقة عشرين على لفرحة.

شنو هي السعادة وعلاش كلشي تيقلًب عليها؟ واش تقدر تخلق السعادة لراسك كيما كانت الظروف ولاخاص شي حوايج ضروري تكون؟

واش السعادة اللي تادًير النجاح ولاً النجاح اللي تيدير السعادة؟

پودكاسط علاش وكيفاش بالدارجة

لحلقة تسعطاش على لحريًة.

واش حياتنا ديالنا ولا حنا غي تابعين؟ آشنوهيا بعدا تكون حرً؟ واش هي ماتحتاجش تخدم؟ ولا تقدر تفيق قتاش مابغيتي فينما بغيتي؟

واش نتا تاتعيش كيما بغيتي ولا كيما تيبغيو الناس؟ وشكون تيقرر فهادشي؟

پودكاسط علاش وكيفاش بالدارجة

لحلقة تمنطاش على لكرامة.

أشنو معنى بنادم عندو قيمة؟ وكيفاش تاتحسب لقيمة د بنادم إلا ماشي بلفلوس؟ واش خاص نحتارمو كلشي واخا مايكونش عندنا معاهم؟

واش ضروري يكون شي واحد فقير باش يكون لاخر غني؟ واش ضروري يكون واحد محڭور باش لاخر يكون عايش كريم؟

پودكاسط علاش وكيفاش بالدارجة

لحلقة سبعطاش على الرأسمالية. 

الرأسمالية هو واحد لمفهوم اللي ماتخليش الناس محايدين معاه, يا إما تيشجعوه ولا تيحاربوه. قتاش بدات الرأسمالية وعلاش أصلا بدات؟ شكون مستافد منها وشكون متضرر منها؟  واش يمكن تكون أنظمة رأسمالية بلا ما تكون متوحشة وتاتحافظ على حقوق بنادم؟ كيفاش هادشي؟

پودكاسط علاش وكيفاش بالدارجة

 لحلقة سطاش على لعلمانية.

لقضية د لعلمانية قضية معقدة فبزاف د لمجتمعات ولبلايص. قبل مايكون عند لواحد موقف عليها خاص يعرف بعدا شنو هي وباللي فيها بزاف د لأنواع ولأشكال د التطبيق.

واش إلا شي بلاد ولاًت علمانية صافي تاتقدًم؟ وعلاش الناس عندهم مواقف مزيرة: إما متافقين معاها بزاف ولاكارهينها وماكاينش حل وسط؟

پودكاسط علاش وكيفاش بالدارجة

لحلقة خمسطاش على ليستيعمار. 

ليستيعمار ظاهرة قديمة فلإنسانية, ولكن فنفس لوقت باقا كاينا تال دابا, لا من الناحية د التأثير د لبلدان على بعضياتها, ولا التبعية اللي باقا عند وحدين لآخرين. واش كُاع أنواع ليستيعمار بحال بحال؟ وكيفاش وقتاش أصلا نقدرو نقولو باللي شي بلاصة راها مستعمرة؟

پودكاسط علاش وكيفاش بالدارجة

لحلقة ربعطاش على الدًاكا.

باقي تال دابا ماعرفو لعولاما واش الذكاء شي حاجة اللي بيولوجية كاتدور فلأعصاب ولا فبلاصة آخرا. ولكن كلشي متافق باللي الذكاء يقدر يتطور بشي حوايج ساهلين إلا خدم عليهم لواحد وداوم فيهم. آشنو هوما؟ و واش بالصح لماكينة أتولي أذكى من بنادم وتولي تحكم لعالم إلا تاهي تعلًماتهم؟

پودكاسط علاش وكيفاش بالدارجة

 لحلقة طلطاش على لأخلاق.

 لأخلاق هي واحد لحاجة اللي مهمة بزاف فلمجتمعات والتعاملات مابين بنادم. كاين بزاف د لمنظومات اللي تاتحدًد شنو لأخلاق اللي خاص يتبعها بنادم وعلاش, وعاد كاين لقيم. شنو لفرق بين لأخلاق ولقيم؟ وشنو خاص تدير إلا طحتي فموقف اللي خاص تختار فيه بين جوج د لحوايج اللي بجوج خايبين؟

پودكاسط علاش وكيفاش بالدارجة

لحلقة طناش على الرياضة.

كلشي عارف باللي الرياضة مهمة ومزيانة للصحة, ولكن ماشي كلشي كيدير الرياضة. كيفاش تا أصلا بدات الرياضة؟ و واش بالصح هي مفهوم بورجوازي كيفرًق بين الطبقات؟

واش الرياضة كاتنفع غي الصحة ولاً كاتخدًم تا فحوايج آخرا؟ وعلاش سمعتي لهاد لحلقة وباقي مامشيتي طريني؟؟

پودكاسط علاش وكيفاش بالدارجة

لحلقة حداش على لعبودية.

كيفاش طاحت لفكرة على بنادم باش يستعبدو بعضياتهم و كيفاش مشا دكشي من استعباد صغير لتجارة عالمية؟ واش بالصح سالات لعبودية وشنو كيقصدو الناس ملًي تيهضرو على لعبودية لمعاصرة دابا ف 2020؟

پودكاسط علاش وكيفاش بالدارجة

لحلقة لعاشرة على لعنصرية.

علاش بنادم عنصري وشنو اللي تيخليك تعمم شي حوايج على ناس ماتاتعرفهومش؟ واش بالصح العلم تيفسُر باللي لأجناس مابين بنادم مختالفة وكاين جنس حسن من آخر؟ ولا داكشي غي تخربيق؟

پودكاسط علاش وكيفاش بالدارجة

لحلقة التاسعة على لخدمة.

واش تانخدمو باش نعيشو ولا تانعيشو باش نخدمو؟

واش لخدمة هي حياتك ولا غي طرف منها؟ واش الخدًام حر ولا تابع للمشغل ديالو؟ واش مزيان تكون فخدمة ماتاتخدًمش فيها عقلك, ولا تخاف على راسك شي نهار يديرو بلاصتك روبو؟

پودكاسط علاش وكيفاش بالدارجة

لحلقة التامنة على التأويل.

علاش تاتكون هضرة وحدا ولكن كل واحد تيفهمها فشكل؟

شنو لفرق مابين لمعنى د كلمة ولا حركة والدلالة ديالها؟ وكيفاش نحلًو لمشاكل ديال تأويل النصوص الدينية والقوانين؟ وكيفاش حنا ك بنادم نقدرو نتفاهمو حسن بيناتنا إلا غي عرفنا شكون هاداك اللي قال لحاجة وشنو كان السياق ديالو؟

پودكاسط علاش وكيفاش بالدارجة

لحلقة السابعة على لبحث العلمي.

هاد لحلقة تاتهضر على التعريف د لعلم وكيفاش تا تكوًن هاد لعلم اللي كاين دابا.؟ شنو اللي تانعتابروه علم وكيفاش نقدرو نزيدو نطوروه؟ شنو هي لمنهجية لعلمية, وعلاش لبحث لعلمي مهم لأي بلاد باغا تتطور؟

پودكاسط علاش وكيفاش بالدارجة

لحلقة السادسة هي على حرية التعبير.

هاد لحلقة تاتهضر على التعريف د حرية التعبير وواش هي حرية مطلقة لاعندها حدود؟ شنو هوما حدود حرية التعبير وشكون تيقرر فيهم؟ و واش الانترنت مزيان لحرية التعبير ولا خايب ليها؟

پودكاسط علاش وكيفاش بالدارجة

لحلقة لخامسة هي على شنو هي الهوية؟

هاد لحلقة تاتهضر على لأساسيات ديال شنو هي هوية وشكون نتا وعلاش نتا هو نتا وماشي وحداخور. شنو خصائص لهوية و واش تقدر تبدل مع لوقت؟

هاد الحلقة تاتهضر على الأساسيات ديال شنو هي دولة وعلاش بنادم كان خاصو يدير دولة.  شناهي الأنواع د الدول اللي كاينة وواش عند الناس حقوق وواجيات ليها؟

ويكيبيديا هي أكبر موسوعة فالعالم و خامس أكبر موقع فالأنترنت. كيفاش بدات وعلاش نجحات واخا كلشي تيقول باللي ماخصناش نتيقو لمعلومات اللي فيها؟ وباللي أي واحد يقدر يكتب فيها اللي بغا؟ هاد لحلقة هي مقدمة صغيرة باش نحاولو نفهمو هاد العالم لموسوعاتي الشيق و ناخدو عليه فكرة أولية..