Filtrar por gênero
- 8 - Námsvarpið vitjar RówtMon, 06 May 2024 - 1h 11min
- 7 - Vøggustovunámsfrøði, 7. sending.
Oftast er tað í vøggustovuni, at børnini sum umleið eitt ára gomul fyrstu ferð fara úr trygga reiðrinum heima hjá foreldrunum og traðka ella grulva inn í stovnsheimin. Og tað ræður um at fáa eina góða byrjan, leggja tey dent á á dagstovninum á Flatinum á Oyrarbakka.
Hesa ferð hevur Námsvarpið vitjað stóra dagstovnin á Flatinum á Oyrarbakka, har námsvarpsverturin Nicodemus Líggjasson hevur tosað við stovnsleiðaran Rosu Prestá og námsfrøðingin Anju á Bø, ið arbeiðir í Tippinum, sum er ein vøggustovueind á Flatinum.
Anja vísir á, at námsfrøðingar vita, at tey fyrstu trý barnaárini eru ógvuliga týdningarmikil og grundarsteinurin fyri allari víðari menning av børnunum, og tí kann tað undra, at tað ikki er fyrr enn hesi seinastu árini, at tað er granskað nakað serligt í teimum smáu barnaárunum.
Men á Flatinum verður nógv gjørt burtur úr vøggustovunámsfrøðini, at børnini verða møtt við nógvum kærleika, umsorgan og nærleika, og at tað verður arbeitt í tøttum relasjónum við hvørt einstakt barn og foreldrini.
- Vit leggja dent á at fáa eina góða byrjan, tí vit eru faktiskt fyrsti liðurin í hesi útbúgvingarfasuni, sum er eitt langt lív hjá einum barni, greiðir Anja frá.
Av tí sama geva tey sær góða tíð við innkoyringini, tá eitt barn er byrjað í vøggustovu. Ein broyting seinastu árini er, at páparnir eru vorðnir meira virknir í tí tilgongdini. Í so máta sær Rosa týðuligan mun á nú og fyrr.
- Nú havi eg verið leiðari í so nógv ár, at tá var tað meira mamman, men tá var tað eisini í tíðini. Tá var tað mamman, sum tók sær meira av børnunum, og kanska fekk pápin ikki loyvi til at vera so luttakandi, sum hann er í dag; í dag krevst, at bæði foreldrini eru luttakandi, sigur hon.
Mon, 19 Feb 2024 - 39min - 6 - Tann fantastiski heilin – Vitanin um heilan er effektiva amboðið í neuronámsfrøðini. 6. sending, desember 2023
”Heilin er so fantastiskur”, sigur Lis Jonhardsdóttir Sørensen einastaðni, og tað er júst tað, hann er, og tí er tað eisini so fantastiska áhugavert at hoyra hana greiða frá neuronámsfrøðini.
Lis er útbúgvin námsfrøðingur í Føroyum í 2006 og hevur seinni sum ein av heilt fáum føroyingum tikið eftirútbúgving í neuronámsfrøði.
Tað gjørdi hon á professiónsháskúlanum UCN (University College of Northern Denmark) í Aalborg í 2014.
Hon arbeiðir í forskúlanum Brúgvin í Runavíkar, og Nicodemus Líggjasson hevur verið á gátt hjá henni.
Hóast Lis hevur sína servitan við sær í øllum sínum arbeiði, so leggur hon dent á, at neuronámsfrøðin ikki skilir seg frá tí ”vanligu” námsfrøðini, men heldur flættar seg inn í hana, og at munurin serliga er, at neuronámsfrøðingurin hevur eina vitan um heilan og prosessirnar, sum henda har.
Servitanin er ein eyka dimensjón í námsfrøðini, ella sum Lis sigur tað: ”Neuronámsfrøði er námsfrøði, sum er kryddað við heilagransking og neurosálarfrøði”.
Tue, 02 Jan 2024 - 49min - 5 - Skíggjanýtsla – talgildi alheimurin er ikki svart-hvítur. 5. sending, november 2023
Er skíggjanýtsla hjá børnum og ungum bara av tí ringa? Tað helt Sunnuva Egilstrøð Poulsen í veruleikanum, áðrenn hon sum námsfrøðilesandi fór í gongd við sína bacheloruppgávu um júst skíggjanýtslu. Hon tók námsfrøðiútbúgvingina í Danmark, á Københavns Professionshøjskole – Campus Carlsberg. Sunnuva tók prógv í summar og starvast nú sum námsfrøðingur í Skúlanum á Trøðni.
Nicodemus Líggjasson, námsfrøðingur og poddvarpsvertur, hevur í hesi útgávuni av Námsvarpinum prátað við Sunnuvu um skíggjanýtslu, og 11 ára gamla dótturin Serafia, ið má finna seg í rættiliga avgjørdum reglum fyri síni skíggjanýtslu bæði heima og í skúlanum, sleppur eisini til orðanna.
Sunnuva avdúkar tó, at hon sjálv broytti støðu til skíggjanýtslu, meðan hon arbeiddi við bacheloruppgávuni – hon flutti seg við egnum orðum ”frá at vera so ræðuliga anti til at royna at síggja møguleikarnar við skermbrúki”. Uttan tó at fara heilt yvir í hitt borðið. Tí myndin er ikki svørt-hvít; hjá summum eru partar av talgilda alheiminum, sum skíggjarnir rúma, eins turvelvandi og kokain, men tað ber hinvegin til at hava eina hóvliga nýtslu, og talgildi alheimurin rúmar eisini appur og annað gott, ið kann brúkast sum hent námsfrøðilig amboð.
Mon, 27 Nov 2023 - 1h 08min - 4 - Avstigmatisering hevur alt at siga, 4. sending oktober 2023
Ari Brimheim og mamman Krista um autismu.
Námsvarpið vitjar 24 ára gamla Ara, ið hevur autismu, og mammuna Kristu
Longu tá Ari Brimheim var pinkubarn, og tey júst vóru komin heim av føðideildini, legði mamman, Krista Oddsdóttir Brimheim, til merkis, at hann kensluliga var øðrvísið enn pinkubørn flest. Hon er sjálv útbúgvin sosialnámsfrøðingur og sá skjótt onkur tekin um autismu, men hon hevði tó ongantíð sæð so smá børn við autismu. So í fyrstani vildi familjan vita, hvussu leikur fór. Tekini blivu tó fleiri og týðuligari, og tá Ari var tvey ár, var ikki longur nakar ivi um, at hann hevði autismu.
Tue, 31 Oct 2023 - 1h 11min - 3 - Dagstovnurin Kura, 3. sending oktober 2023Tue, 31 Oct 2023 - 58min
- 2 - Guliskúli, 2. sending, august 2023Tue, 31 Oct 2023 - 33min
- 1 - Hví eitt námsvarp - 1. sending, juli 2023Tue, 31 Oct 2023 - 22min
Podcasts semelhantes a Námsvarpið
- Global News Podcast BBC World Service
- El Partidazo de COPE COPE
- Herrera en COPE COPE
- The Dan Bongino Show Cumulus Podcast Network | Dan Bongino
- Es la Mañana de Federico esRadio
- La Noche de Dieter esRadio
- Hondelatte Raconte - Christophe Hondelatte Europe 1
- Dateline NBC NBC News
- 財經一路發 News98
- La rosa de los vientos OndaCero
- Más de uno OndaCero
- La Zanzara Radio 24
- L'Heure Du Crime RTL
- El Larguero SER Podcast
- Nadie Sabe Nada SER Podcast
- SER Historia SER Podcast
- Todo Concostrina SER Podcast
- 安住紳一郎の日曜天国 TBS RADIO
- アンガールズのジャンピン[オールナイトニッポンPODCAST] ニッポン放送
- 辛坊治郎 ズーム そこまで言うか! ニッポン放送
- 飯田浩司のOK! Cozy up! Podcast ニッポン放送
- 吳淡如人生實用商學院 吳淡如
- 武田鉄矢・今朝の三枚おろし 文化放送PodcastQR
Outros Podcasts de Educação
- Hitlers Æselører Berlingske
- Bag om København Københavns Biblioteker
- 6 Minute English BBC Radio
- The Bo Sanchez Podcast The Abundance Network
- MentalSucces Søren Lynge og Per Corneliussen
- Kampen om historien DR
- Jazz Katie Brown
- Historia Gdańska dla każdego Michał Ślubowski
- Kwento mo kay Uge Eugene Antiojo
- TED Talks Daily TED
- Kongelig kærlighed Ally & Billed-Bladet
- Kongerekka NRK
- Learning English Conversations BBC Radio
- Historia Jakiej Nie Znacie Cezary Korycki
- Rwanda TSLA TSLA Team
- Den Hvide Dame Den Hvide Dame
- Podcast Wojenne Historie Historia II wojny światowej
- Podcast Historyczny Rafał Sadowski
- Kærlighedshistorie Vores Tid - Nationalmuseets mediehus
- Be Positive Stay Positive Podcast Nat Barouch