Meen Maaya | مين معايا

بعد سنين شغل في وظيفة اوفيس بوي في شركة إعلانات، علم نفسه وقرر يشتغل جرافيك ديزاينر، وقدر بعد سنتين كان شبه عايش فيهم جوا الشركة يبقى جرافيك ديزاينر في واحدة من اكبر شركات الإعلانات في مصر
رحلة كفاح كبيرة قدمهالنا منصور في حلقة "مين معايا؟"

چايدا صانعة محتوى وإعلامية شاطرة جدًا، اتكلمت معانا عن شكل حياتها ودراستها. عاشت في أكتر من دولة ودا كان ليه تأثير كبير على حياتها الاجتماعية وكمان العملية!

يارا حسن منتجة ومؤسسة شركة Fekr Production، يارا اتكلمت معانا عن نفسها ونشأتها، الناس اللي اتعلمت على ايدهم وكبرت معاهم، وعن رؤيتها للفن، والمسرح والبرامج، وهي نفسها تحقق ايه ونفسها تشوف شكل الفن ازاي في مصر.

بدر نور كوميديان وصانع محتوى، اتكلم معانا عن طموحاته ومخاوفه ايه المشاكل اللي واجهها في الماضي، وازاي علاقته بأسرته كانت السبب أنه ميوقفش ويكمل في اللي بيحبه، ايه الحاجات اللي عايز يعملها في المستقبل والحاجات اللي عايز يصلحها في الماضي.

هادي بسيوني مخرج وصانع محتوى، اتكلم معانا عن مشاريعه الناجحة ومشاريعه اللي مكملتش! 
حبه للإخراج وصناعة المحتوى، أحلامه وطموحاته ومخاوفه، النجاح والفشل والأثر اللي نفسه يسيبه في العالم!

نضال أدهم صانعة محتوى، اتكلمت معانا عن طموحاتها ومخاوفها وعلاقتها بأهلها. ايه اللي بتسعى ليه ونفسها تحققه، ونفسها تشوف العالم ازاي؟

وليد المغازي كوميديان وصانع محتوى، اتكلم معانا عن طموحاته ومخاوفه وازاي علاقته بأهله أثرت عليه نفسيا وعمليا، شايف نفسه ازاي والحاجات اللي عايز يعملها في المستقبل والحاجات اللي عايز يصلحها في الماضي.