28 - اعمل ايه لو اي موقف بيلخبطلي مشاعري وأفكاري بيأثر على ادائي في كل حاجة؟ - Q&A
قاعدين في أمان الله...اختبرنا محفز ضرب مشاعرنا وأفكارنا لأقصى حد وبقينا بنتصرف بعدم اتزان وصواب. هو ده اثر الصدمات النفسية علي حياتنا في الحاضر! تعالى نتكلم عن ده شوية : )
Support the Show.
https://www.tiktok.com/@muhsherif
Sat, 27 Apr 2024
27 - اعمل ايه لو بعد شغل كتير على تراما الهجر وعدم الاستحقاق جه شخص سابني بطريقة مؤذية اثبتتلي اني فعلًا فاشلة؟! - Q&A
اوعى الخازوق! أهلًا بيكي في الحياة يا اختاه! طيب نتكلم بجد علشان الاستاذة اللي سئلت السؤال غضبانة ومحبطة وانا مقدر ده ومريت بيه كتير واحب اقولك كلام كتير......
Support the Show.
https://www.tiktok.com/@muhsherif
Sat, 20 Apr 2024
26 - هو التعافي بيضمنلي ان الحاجات اللي أنا عايزاها هتتحقق؟ - Q & A
ايه الحلاوة دي! سؤال حلو، والاجابة اه ولا! حسب مفهومك عن الضمانات وهل انتي متعلقة بشكل معين في العلاقات والمكاسب لو حصل الله عليك يا تعافي ولا لا اقسم بالله ما لاعبة ولا لا! تعالى ناخد وندي بشكل ودي عن السؤال الفلسفي ده!
Support the Show.
https://www.tiktok.com/@muhsherif
Sat, 13 Apr 2024
25 - ازاي اخلي الناس المحيطين بيا ميأثروش عليا بالسلب أو الإيجاب؟! - Q &A
سؤال استوقفني شوية وقعدت افكر ايه اللي وراه...ليه شخص ممكن يكون هدفة انه ميتأثرش على مستوى الشعور بأي حاجة بتحصل حواليه؟ هل اللي محتاجة اني اديله وصفة سحرية تحقق ده (مفيش والله) ولا نفكر في اللي وراء السؤال؟ خلينا نفكر مع بعض في اللي ورا السؤال...
Support the Show.
https://www.tiktok.com/@muhsherif
Sat, 06 Apr 2024
24 - لو في أشخاص دايمًا بتنشط لي التراما بتاعتي، هل الأفضل استبعدهم تمامًا من حياتي ولا لا؟ - Q & A
كلنا أشخاص مكسورين بشكل أو بأخر وفي مننا اللي بيشتغل على نفسه ويحاول يتشافى وفي اللي التراما بتاعته سايقاه تمامًا! الأشخاص دول في منهم أهاليًنا وقرايبنا وصحابنا وناس بتجمعنا بيهم صلة بتصعب علينا معرفة ايه التصرف " الصح! " تعالى نتكلم عن ده شوية
Support the Show.
https://www.tiktok.com/@muhsherif
Sat, 30 Mar 2024
23 - لما ببقي احسن وبطلع لقدام داىمًا بيصحي جوايا صوت يشكك فيا ويوصفني بالنفاق، هل ده أنا؟ - Q &A
التشكيك في نواياك بشكل مزمن وراه قصة...وراه صوت خايف عليك تصدق انك كويس لتطلع منافق! بيحاول يحميك بأنه يعيشك في حالة انكسار وعدم ثقة مزمنة، منطق مبهر للغاية! بس كتير مننا بيعاني منه بقدر ما ودايمًا صدماتنا هي اللي بتنسج الجزء ده جوانا...تعالى نتكلم عن ده شوية!
Support the Show.
https://www.tiktok.com/@muhsherif
Sat, 23 Mar 2024
22 - Q &A - !ليه أوقف تخدير لمشاعري وأحس بكل حاجة بألمها؟ هكسب ايه من العذاب ده؟
سؤال جالي ومن الواضح اللي سئله عايش في معاناه محترمة بس سؤال منطقي! ليه؟ ليه كل الألم والوجع ده علشان كلام مستفز عن النمو والنضج! يا اخي *** ! هو الموضوع صعب فعلًا بصراحة.... تعالي نتكلم بصدق في ده!
Support the Show.
https://www.tiktok.com/@muhsherif
Sat, 16 Mar 2024
21 - ينفع حد عنده صدمات قوية ميعانيش في رمضان؟! - Q & A
رمضان وقعة واثره على كل واحد نفسيًا مختلف تمامًا وفي شعور بالثقل والضيق ممكن ينتاب كتير مننا واحنا مش فاهمين ليه ونظن في نفسنا السوء علشان حاسبين بده خاصة لو نفسيًا أحنا بنعاني. تعالى نتكلم عن ده شوية : )
Support the Show.
https://www.tiktok.com/@muhsherif
Sat, 09 Mar 2024
20 - ينفع نعالج نفسنا بالقسوة؟ - Q & A
القسوة علي نفسنا بيحركها خوف...ورغبة حماية من الخطر! ينفع ده يحطنا علي طريق التعافي؟ هل الكبت وممارسة سلوكيات بتملانا من برة ممكن يخلي الدنيا تمام؟ ليه اه وليه لا؟ تعالى ندردش في ده شوية!
Support the Show.
https://www.tiktok.com/@muhsherif
Sat, 02 Mar 2024
19 - السكيما ثيرابي بتساعد كتير! - كلام معالجين مع ندى مهران
أنا وندى اتكلمنا عن السكيما ثيرابي وشوية حاجات تانية! السكيما ثيرابي بتساعدك تفهم أن في شخصيات مختلفة جواك، وكل شخصية منها دوافعها واللي محتاجاه ممكن تبقي محرك لسلوكك. النهج ده في العلاج بيساعدك تبقي مراقب لأنهي جزء متحرك وبيسعي لأيه! وبيساعدك ترجع ال " adult " أو ال " true self " لكرسي القيادة في حياتك اللي هو أنت :)
Support the Show.
https://www.tiktok.com/@muhsherif
Sat, 24 Feb 2024
18 - الثيرابي مش دلع والمعالج بيملى فراغ ناس أدوارها مفقودة! - كلام معالجين مع أدهم ياقوت
أدهم من الناس اللي أنا شوفت بنفسي رحلته الشخصية وازاي هو عرف يشتغل على نفسه قبل ما يساعد غيره ودي أكتر حاجة أنا بحترمها فيه. أتمني تبقي الدردشة مفيدة : )
Support the Show.
https://www.tiktok.com/@muhsherif
Sat, 17 Feb 2024
17 - ايه هي قدرة المعالج الخارقة؟ - كلام معالجين مع علياء حافط
دايمًا مدى اريحية الشخص مع نفسه دليل بالنسبالي على نضجه وقبوله لنفسه وبنبسط لما الاقي معالج أو معالجة هما نفسهم في رحلة تعافي وعلشان كدة أنا بحترم علياء لأنها حقيقية وشاطرة جدًا في شغلها ما شاء الله، وحبيت الكلام العفوي اللي سجلناه.
Support the Show.
https://www.tiktok.com/@muhsherif
Sat, 10 Feb 2024
16 - قعدة مع عموري الجميل ج٢ - كلام معالجين
وعلشان انا امور وكنت بسجل الحلقة بحاجه مفهاش pause فالحلقة بقيت في شكل ملفين وده الجزء التاني!
Support the Show.
https://www.tiktok.com/@muhsherif
Sat, 03 Feb 2024
15 - قعدة مع عموري الجميل ج١ - كلام معالجين
عمرو أنا بدأت معاه من ٢٠٢٠ تقريبًا والراجل ساعدني ومش عارف ساعدني ازاي 😎 اعتقد ان هو ساعدني ارتاح ومع نفسي واصدق فيها واطلع من ورا الماسكات اللي اتعودت عليها اكتر من اي حاجه. ده أول جزء من القعده وفيها انجليزي كتير لأن ده اللي احنا متعودين عليه مع بعض، Sorry not sorry 🤓
Support the Show.
https://www.tiktok.com/@muhsherif
Sat, 03 Feb 2024
14 - عن الحرية وادراكك ان كل اللي كان معطلك حدوتة! - مرحلة التطوير
أنتي عارفه التعافي عبارة عن ايه؟ " التصديق " في رواية أنسب من رواية الماضي وتعزيز الرواية دي بأفعال بتعبر عن تصديقك فيها. التعافي صعوبته في بساطته وحقيقة ان هو بيتطلب انك تتخطى الحواجز الوهمية اللي عقلك حطهالك بغرض الحماية. تعالى نتكلم عن ده وشوية حاجات تانية!
Support the Show.
https://www.tiktok.com/@muhsherif
Sat, 27 Jan 2024
13 - في التئام وقبول مش شفاء تمام زي ما ناس كتير فاكرة! - مرحلة التثبيت ج٣
البحث عن الوصفة المثالية للتخلص من الصدمات الشقية كان هدفي في أول التعافي وهدف ناس كتير، دايمًا تصوراتنا جاية من شدة رغبتنا في التخلص من الألم اللي احنا عايشينة....ده مفهوم وطبيعي بس الدنيا مش بتمشي كدة : ) تعالى نتكلم عن ده وشوية حاجات تانية!
Support the Show.
https://www.tiktok.com/@muhsherif
Sat, 20 Jan 2024
12 - عن شوية المبادئ اللي ساعدتني اثبت التغيير - مرحلة التثبيت ج٢
أحنا بننسي بسهولة وأول صوت يبيع لينا طريقة تسكن الألم بنروح معاه على طول! وعلشان كده تثبيت التغيير عملية يومية وبيساعد فيها التمسك بشوية مبادئ، تعالي نتكلم عن شوية!
Support the Show.
https://www.tiktok.com/@muhsherif
Sat, 13 Jan 2024
11 - عن حصادك لنتيجة اصرارك على التغيير - مرحلة التثبيت ج١
كل حاجة أنت ممكن تتعود عليها تقدر تتعود على غيرها ومرحلة التثبيت هي حصادك لكل المحاولات اللي وقعت فيها أكثر ما قمت! تعالى نتكلم عن ده : )
Support the Show.
https://www.tiktok.com/@muhsherif
Sat, 06 Jan 2024
10 - عن تقبل غرابتنا والأمانة مع النفس والبحث عن خلطتك! - مرحلة التغيير ج٨
مرحلة التغيير أشبه بلما يبقي عندك لمبه شوية تشتغل وشويه تفصل، مش علي وتيره واحده، لسه بتحاول تعتاد الطرق الجديدة للتعامل مع احتياجاتك ومشاعرك وأفكارك في الانتكاس والطلوع والنزول فيها حتمي...تعالى نتكل عن ده وشوية حاجات تانية : )
Support the Show.
https://www.tiktok.com/@muhsherif
Sat, 30 Dec 2023
9 - دردشة عن العلاقه مع الله والتوازن - مرحلة التغيير ج٧
التعافي ببساطة هو الشجاعة أنك تكون ذاتك...ولما تتحلي بالشجاعه دي هتشوف قد ايه أنت محتاج الاتصال بمختلف اشكاله ومن اهمهم رغبتك في الاتصال بالله بمفهوم صحي...تعالى نتكلم عن ده!
Support the Show.
https://www.tiktok.com/@muhsherif
Sat, 23 Dec 2023
8 - عن الألم الشبحي والانتكاس والحيل الذهنية! - مرحلة التغيير ج٦
التغيير مرحلة فيها نازل وطالع...ومرة تواجه وتتعامل مع مخاوفك وتنبؤاتك بالفشل والهجر ومرة تلسوعك ونتنتكس! تعالى نتكلم عن ده وشويه كمان عن الحيل الذهنية اللي بنلعبها على نفسنا علشان نرجع لسلوكياتنا واحنا عاملين نفسنا مش واخدين بالنا!
Support the Show.
https://www.tiktok.com/@muhsherif
Sat, 16 Dec 2023
7 - عن المشاعر اللي بتصعب جدًا كسر اللجوء للأنماط المؤذية - مرحله التغيير ج٥
في مشاعر معينة لما بتستثار بيجتاحنا ألم مرعب وبيبقي كل اللي علي بالنا ازاي اسكن الألم بأي طريقة....تعالى نتكلم عن المشاعر دي وازاي تفكر في تخفيفها بدون ما ترجع لنفس أنماط التكيف اللي مبهدلة حياتك وصورتك قدام نفسك!
Support the Show.
https://www.tiktok.com/@muhsherif
Sat, 09 Dec 2023
6 - عن المخاوف اللي يا اما تحيّدها وتشوف اللي وراها يا اما هتشلك! - مرحلة التغيير ج٤
الخوف دايمًا وراه رغبة حماية من الم متوقع....بس الألم المتوقع بيبقي توقع خاطئ مبني على خبرات زمان...فلو عايز تتعافي وتنضج معندكش حل غير أنك تتعامل معاه...تعالى نتكلم عن ده!
Support the Show.
https://www.tiktok.com/@muhsherif
Sat, 02 Dec 2023
5 - عن التعافي اللي هيحتاجك تتخلي عن المثالية وتاخدها خطوة خطوة! - مرحلة التغيير ج٣
المشاعر والأفكار اللي بقالك سنين بتخدرها وبتكبتها بسلوكيات تكيف هتحتاج منك انك تبدأ تتخلي عنها وتبدأ في رحلة بناء طرق جديدة تسرح المشاعر و تسد الاحتياجات بدل ما تكبتها...تعالى نتكلم عن ده!
Support the Show.
https://www.tiktok.com/@muhsherif
Sat, 25 Nov 2023
4 - عن التعافي اللي أوله بايخ ومينفعش يمشي غير بالقبول - مرحله التغيير ج٢
تعالي نفهم شويه عن مثيرات المشاعر والأفكار بتاعتك ونتكلم عن التعامل معاها علشان ناخد أول خطوه في الطريق وتقدر ترصد اللي بتحرك جواك كل يوم وبيستفز جواك سلوكيات في الأغلب بتزعلك من نفسك...
Support the Show.
https://www.tiktok.com/@muhsherif
Sat, 18 Nov 2023
3 - عن التعافي اللي بنحاول نوصله بدماغ ناشفة! - مرحلة التغيير ج١
كلنا بلا استثناء عايزين نتغير ونتعافي بس بنحاول نختبر التغيير بنفس المعتقدات اللي عطلتنا سنين. في الحلقة دي أنا بتكلم عن شويه نقاط هدفها تساعدك تغير نظرتك للتعافي النفسي ومفهوم النمو والتقدم فيه!
Support the show
https://www.tiktok.com/@muhsherif
Sat, 11 Nov 2023
2 - عن طفولتك اللي مش سعيده قوي - مرحله الوعي ج ٢
في الجزء ده بتكلم بالتفصيل شوية عن ازاي التراما بتخلينا نتفاعل مع العالم على أنه مكان خطر وغير آمن ودايمًا الأذى هبلاقي طريقه لينا وعن ليه ده بيحصل وازاي تبص لنفسك بطريقة أكثر رحمة ومتشفش انك بتدلع! وكمان بجاوب علي شويه اسئله بتتسئلي علي طول!
Support the Show.
https://www.tiktok.com/@muhsherif
Sat, 04 Nov 2023
1 - عن طفولتك اللي مش سعيده قوي - مرحله الوعي ج١
في الحلقة الأولى بتكلم عن علاقة الاحتياجات النفسيه اللي كنا بكل برائه بنحاول نلبيها واحنا صغيرين و اخدنا على قفانا واحنا بنعمل كده والأفكار والسلوكيات اللي احنا عايشين بيها واحنا كبار. الماضي فهمه هيساعدك توعى لليه أنت بتعمل اللي بتعمله وايه المعتقدات اللي مسؤوله عن سلوكياتك اليومية.
Support the Show.
https://www.tiktok.com/@muhsherif
Fri, 27 Oct 2023