Sportcast

De komst fan Robin van Persie nei Sportklup Hearrenfean sil in grutte impact hawwe. Dat tinkt âld-spiler en -trainer Tieme Klompe, dy't it yn de Sportcast fan Omrop Fryslân fergeliket mei it oanstellen fan Marco van Basten.

Ferry de Haan ferwachtet dat oer in pear wiken dúdlik is wa't de nije trainer wurdt fan sc Hearrenfean. Dat der in akkoart is mei VVV Venlo-trainer Rick Kruys, ûntkent de algemien direkteur fan de Feansters yn de Sportcast fan Omrop Fryslân.

Wa moat de nije trainer fan sportklup Hearrenfean wurde? Wurdt it Maurice Steijn? Rick Kruys? Robin van Persie? Âld-sportferslachjouwer Willem de Vries hat wol in foarkar en dat is net ien fan dizze trije.

SC Cambuur hellet de play-offs om promoasje nei de earedivyzje, nettsjinsteande it swiere programma dat de Ljouwerters noch hawwe. Dy ferwachting sprekt oanfierder Daniël van Kaam út yn de Sportcast fan Omrop Fryslân.

De kâns is libbensgrut dat SC Cambuur op koarte termyn Lars Lambooij presintearje sil as nije technysk manager. Dêrfoar moatte de Ljouwerters 100.000 euro betelje. Yn de Sportcast binne de mienings dêroer ferdield.

Sipke Hulshoff is de dreamde kandidaat foar Sportklup Hearrenfean om de ôfskie nimmende Kees van Wonderen op te folgjen. Dat seit âld-fuotballer Sandor van der Heide yn de Sportcast fan Omrop Fryslân.

Henk de Jong giet net nei Liverpool. De trainer fan de Ingelske topklup, Jürgen Klopp, hie him útnoege om ris del te kommen. Yn de Sportcast fan Omrop Fryslân docht bliken dat De Jong dêr net op yn giet.

Kees van Wonderen hâldt nei dit jier op by SC Hearrenfean. Yn de Sportcast sjogge de oanwêzigen mei de trainer werom op syn tiid yn Fryslân. Ek rjochtsje se de blik nei de takomst. Wat sil er nei de simmer dwaan, en wa moat it stokje fan him oernimme?

Hie trainer Kees van Wonderen de sitewaasje rûn de wiksel fan Anas Tahiri oars oanpakke moatten? Yn de Sportcast binne de mienings ferdield.

Trainer Johnny Jansen is sûnt in heal jier haadtrainer by PEC Zwolle. Snein komt hy wer werom nei it Abe Lenstra Stadion foar de wedstriid tsjin PEC Zwolle. Oait tinkt hy der ek wol oan om noch werom te kommen by Hearrenfean.

Der is eins gjin thúswedstriid fan Sportklup Hearrenfean dy't earefoarsitter Riemer van der Velde oerslacht. Mar alle kearen nei it Abe Lenstra Stadion is dit seizoen net altyd like maklik, sa jout de 83-jierrige âld-bestjoerder ta yn de Sportcast fan Omrop Fryslân.

Ard de Graaf is bliid dat SC Cambuur yn de heale finale fan de KNVB-beker in thúswedstriid spilet. Al sân jier rint de algemien direkteur fan de klup nammentlik mei in 'bekertraumaatje' rûn, fertelt er yn de Sportcast fan Omrop Fryslân.

It is in teken fan swakte dat Kees van Wonderen noch net wit oft sc Hearrenfean syn ôfrinnende kontrakt ferlinge wol. Dat fynt âld-trainer Gertjan Verbeek.

It is foarearst klear mei Andries Noppert op 'e goal by sc Hearrenfean. Trainer Kees van Wonderen moat Mickey van der Hart de foarkar jaan, falt te hearren yn de Sportcast.

Martijn Barto is no noch assistint-trainer fan SC Cambuur, mar op termyn hopet er sels de einferantwurdlikheid te hawwen. Dat seit de âld-fuotballer yn de Sportcast fan Omrop Fryslân.

Der wurdt dizze winterske transferperioade gjin fjoerwurk ferwachte by SC Cambuur. Dat is tritich kilometer fierderop by sc Hearrenfean hiel oars. En yn de Sportcast is beslach lein op it 'polletje' fan Andries Noppert.

Jan de Jonge is krekt werom út Libanon en wol wer oan de slach yn de fuotbalwrâld yn Nederlân. In amateurklup of by syn âlde leafde Hearrenfean. De Jonge is beskikber, sa fertelt hy yn de Sportcast.

Reedrydcoach Jillert Anema hat sneon de oeuvrepriis fan Sport Fryslân krigen. 'It orakel fan Bontebok' wurdt priizge foar hoe't er it bêste út syn riders krije kin, mei syn soms ûnkonvinsjonele oanpak. De priis waard útrikt yn 'Sportkafee Bakker en De Vries'. Jillert Annema wie tegearre te gast mei Cambuur-trainer Henk de Jong. Yn de podcast seagen sy mei oare gasten werom op in tal sportive hichtepunten fan it ôfrûne jier. Ek keatser Taeke Triemstra, roeiers Ymkje Clevering en Jan van der Bij en swimster Marrit Steenbergen wiene te gast.

It is de tiid fan weromsjen, foarútsjen en it meitsjen fan goeie foarnimmens. We sjogge yn de Sportcast werom op it fuotbaljier 2023 yn in spesjale krystôflevering.

Yn de winterstop sil Ferry de Haan, direkteur fan sc Hearrenfean, om tafel mei trainer Kees van Wonderen oer syn ôfrinnende kontrakt. Klupikoan Foppe de Haan soe it ferlinge, mar hat noch wol in tal opmerkings. Dat seit er yn de Sportcast.

Henk de Jong hopet dat syn ôfrinnende kontrakt ferlinge wurdt en dat er ek de kommende jierren trainer is by SC Cambuur. Dat fertelt de Drachtster yn de Sportcast fan Omrop Fryslân.

Sportklup Hearrenfean swingde freedtejûn. It stadion genoat, it fuotbal wie moai en Hearrenfean wûn mei 3-0 fan Almere City. Dochs binne der neffens âld-fuotballer Geert Jelle de Vries ek soargen. Foaral finansjeel.

Dat technysk direkteur Etiënne Reijnen al nei in healjier fuort giet by SC Cambuur, is eksimplarysk foar it gebrek oan loyaliteit yn de fuotbalwrâld. Dat sizze de sportferslachjouwers yn de Sportcast.

It is noch krekt gjin nasjonale diskusje: wa moat der yn de spits by sc Hearrenfean? Is dat Daniel Karlsbakk? Moat dat Ion Nicolaescu wurde? Of moat Pelle van Amersfoort der yn? Dy lêste is te gast yn de Sportcast en skoarde de lêste kompetysjewedstriid syn earste goal fan dit seizoen. "Het vrat aan me."

It giet hieltyd better mei sportklup Hearrenfean. De ploech spilet better en is opklommen nei it tsiende plak. Mar oft dêrmei it lek folslein boppe is, oft trainer Kees van Wonderen wis is fan syn plak op de bank en oft de play-offs dit seizoen wol helle wurde, is noch mar de fraach.

De wikseling fan trainer by SC Cambuur hat in positive wurking hân. Neist dat der ûnder trainer Henk de Jong no twa kear wûn waard, sjocht it fuotbal der ek better út. Dat fynt âld-fuotballer Sandor van der Heide.

SC Cambuur stekt de wierheid fan it konflikt tusken trainer Henk de Jong en Silvester van der Water mei opset sin yn 'e dôfpot. Dat sizze de beide Cambuurferslachjouwers fan Omrop Fryslân yn de Sportcast.

As it oan earefoarsitter Ype Smid fan SC Cambuur lein hie, dan hie trainer Sjors Ultee ôfrûne simmer dien krigen. Yn de Sportcast leit Smid út dat hy Fred Grim in bettere kandidaat fûn.

Luuk Brouwers is troch sc Hearrenfean fan FC Utrecht oernaam en sa is hy wer werom by trainer Kees van Wonderen. Yn de Sportcast praat hy oer syn bân mei de trainer, oer syn tiid by FC Utrecht en de krityk op Van Wonderen.

Dat Sjors Ultee dien krigen hat by SC Cambuur, kin net los sjoen wurde fan de beskikberheid fan Henk de Jong. Dat is de lêzing yn de Sportcast fan Omrop Fryslân.

De malêze dêr't sc Hearrenfean op dit stuit yn sit, komt mei trochdat Andries Noppert syn nivo net hellet. It geduld fan sportferslachjouwer Roelof de Vries mei Noppert rekket op, sa seit er yn de Sportcast.

De sprekkoaren oan it adres fan trainer Kees van Wonderen fan sc Hearrenfean binne net terjochte. Dat seit sportferslachjouwer Roelof de Vries yn de Sportcast fan Omrop Fryslân..

SC Cambuur kin kampioen wurde fan de earste divyzje. Dat tinkt Michael Breij. Al moat de ploech dan wol folwoeksenheid toane as it yn in mindere faze sit, sa seit Breij yn de Sportcast fan Omrop Fryslân.

Trainer Kees van Wonderen moat ferdigenjender spyljen gean mei sc Hearrenfean. Dat fynt âld-fuotballer Geert Jelle de Vries yn de Sportcast.

It is wer safier: ús lân hat wer in nasjonale keepersdiskusje. Wa moat by it Nederlânsk alvetal op 'e goal stean no't Justin Bijlow blessearre is? As direkteur Ferry de Haan fan sc Hearrenfean de bûnscoach wie, dan hie er foar Andries Noppert keazen.

Ynvestearder Bert van den Brink sit noch gewoan yn it stiftingsbestjoer fan SC Cambuur. Yn de Sportcast wurde de geroften tsjinsprutsen dy't marketeer Chris Woerts ferline wike de wrâld yn holp yn it programma Vandaag Inside.

De doelman is mei syn klup sc Hearrenfean yn petear oer kontraktferlinging, mar neffens de analisten fan Omrop Fryslân kin hy better de stap nei in oare klup meitsje.

Ald-fuotballer Sandor van der Heide stekt syn bewûndering foar Wiebe Kooistra en Ion Nicolaescu net ûnder stuollen of banken. Beide manlju skoarden by harren debút. De ien rêde foar SC Cambuur in punt tsjin FC Emmen en de oar makke de hege ferwachtings wier mei de iepeningstreffer foar sc Hearrenfean tsjin RKC Waalwijk.

De Sportcast is nei de simmerstop wer werom. Eltse moandei binne we der wer en beprate we alles rûn sportklup Hearerenfean en SC Cambuur. Hoe komt it dit seizoen?

As alles neffens plan ferrint, kin Henk de Jong yn septimber wer oan it wurk. De fuotbaltrainer is no noch herstellende fan de operaasje oan syn holle. Dêr by is in grut part fan in kyste fuorthelle.

Der leit nochal wat op syn buordsje: it segryn fuortspiele fan foarich seizoen, it gearstallen fan in nije seleksje en it oplossen fan de kwestje fan de twa haadtrainers. De nije technysk direkteur Etiënne Reijnen fan SC Cambuur wol der noch net safolle oer kwyt.

Hearrenfean-spits Sydney van Hooijdonk sjocht mei mingde gefoelens werom op syn tiid by sportklup Hearrenfean. Yn de Sportcast fertelt hy oer syn eigen ûntwikkeling, oer it famyljegefoel by de klup en oer it ôfrûne seizoen. "We zijn nooit echt stabiel geweest."

As it oan Michel Vlap leit, sit it aventoer fan sc Hearrenfean yn de play-offs der nei ien ronde op. Vlap spilet by FC Twente en dat is de tsjinstanner yn de earste ronde fan de neikompetysje.

Der moat op it middenfjild fan sc Hearrenfean in spiler by dy't in doelpunt meitsje kin. Ambassadeur fan Hearrenfean Hans Anker hat wol in suggestje: âld-Cambuurspiler Sander van de Streek.

It is it hichtepunt fan syn karriêre: Sipke Hulshoff waard snein as assistint-trainer fan Feyenoord kampioen fan de earedivyzje. Moandei waard de ploech huldige op de Coolsingel yn Rotterdam.

SC Cambuur-direkteur Ard de Graaf wol net al te hege ferwachtings sketse foar folgjend seizoen yn de earste divyzje. Neffens De Graaf hat Cambuur ûngefear it fyfde budzjet. "Dan kan ik wel gaan roepen dat we kampioen worden, maar dan ga ik een verwachting wekken, wat niet realistisch is."

Alve giele kaarten. Nea earder waarden der safolle kaarten útdield yn in bekerfinale. De fuotbalwrâld sprekt skande fan it gedrach fan de Ajax- en PSV-spilers en dy frustraasje dielt ek âld-fuotballer Maarten de Jong yn de Sportcast.

Pascal Bosschaart moat SC Cambuur nei fjouwer jier ferlitte, jierren wêr't er suksessen yn belibbe mei de klup. It beslút op himsels kin er akseptearje, mar de wize wêr't de direksje dat op fertelde net.

Der binne mar twa spilers yn Nederlân dy't mear kompetysjedoelpunten makken as Hearrenfean-spits Sydney van Hooijdonk. Dochs sjocht Geert Jelle de Vries leaver Roberts Uldrikis fan Cambuur yn de spits.

Cees Roozemond hâldt der nei fjouwer jier as direkteur by sc Hearrenfean mei op. It wienen pittige jierren, wêryn't hy ek de nedige ûnsympatike besluten nimme moast. Dochs sjocht Roozemond posityf nei de takomst fan de klup.

De kâns is grut dat oanfierder Alex Bangura dwaande is oan syn lêste seizoen by SC Cambuur. Hy hat in ôfspraak mei de klup dat er kommende simmer fuort mei.

Gertjan Verbeek is net te sprekken oer de oanfierder fan it Nederlânsk âlvetal Virgil van Dijk. Verbeek soe him syn oanfierdersbân ôfnimme. "Dat is een slapjanus eerste klas."

Noch acht wedstriden hat SC Cambuur om degradaasje foar te kommen, mar nei de nederlaach tsjin Excelsior (4-1) sjocht it der min út. De Ljouwerters lieten harren yn Rotterdam fan de minste kant sjen.

Hokker earedivyzjeploech spilet der fuotbal dat fermaakliker is om nei te sjen as dat fan sc Hearrenfean? De beide Omrop-klupfolgers fan Hearrenfean binne der wol oer út: gjinien.

Mei de degradaasjekreaker tusken Excelsior en SC Cambuur yn it fersjit, hat Marinus Dijkhuizen yn de Sportcast in min boadskip foar de Ljouwerter fans.

Excelsior hat de grutste kâns om út de earedivyzje te degradearjen en dus net hikkesluter SC Cambuur. Yn de Sportcast wurde de degradaasjesoargen fan de trije klups út Noard-Nederlân bepraat.

Osame Sahraoui makket yndruk yn syn earste wiken by sc Hearrenfean. Yn de Sportcast wurdt de rol fan de Noar yn de Fryske derby prize.

It winnende doelpunt fan Anas Tahiri yn de lêste Fryske derby hat safolle yndruk makke op de middenfjilder, dat er dat noait ferjitte sil. Snein giet Tahiri mei Hearrenfean op besite by Cambuur.

SC Cambuur hie tsjin Ajax hielendal neat yn te bringen en hat it lêste plak wer oernaam fan FC Grins. Mar mei noch fjirtjin finales te gean bliuwt Mimoun Mahi posityf en giet hy derfan út dat de Ljouwerters de play-offs ûntrinne: "Wij blijven erin!"

No't Amin Sarr ferkocht wurdt troch sc Hearrenfean, moat der in nije spits komme. Wim Anker is ambassadeur fan de Feansters en hat wol in oantal suggestjes foar technysk manager Ferry de Haan.

Sydney van Hooijdonk wol miskien fuort by sc Hearrenfean. De buorman yn Ljouwert siket noch in spits. Ien en ien is twa, neffens de Omrop-ferslachjouwers yn de nije Sportcast.

Yn dizze Sportcast prate we mei Léon Bergsma fan SC Cambuur. Oer syn rol yn it alvetal en oer de kânsen fan Cambuur om degradaasje te ûntrinnen.

Jurre 495 kin sneon foar de fiifde kear útroppen wurde ta algemien kampioen. In unikum. "Ik hoop dat Jurre kampioen wurdt, want takom jier wurdt hy it net", seit fokker Age Okkema fan Sigerswâld.

Nei de dramatyske nederlaach tsjin FC Volendam is foar Cambuur no der op of der ûnder. Oftewol: spilers helje of degradearje.

As SC Cambuur dizze transferperioade gjin nije spilers hellet, degradearret it nei de earste divyzje. Dat is wêr't klupikoan Sandor van der Heide benaud foar is.

De Sportcast is der altyd. Dus ek op Twadde Krystdei! Mei in spesjale edysje, wêryn't weromsjoen wurdt op it ôfrûne jier. En de eagen wurde fêst rjochte op 2023.

Argentinië is yn de eagen fan Foppe de Haan de terjochte winner fan it wrâldkampioenskip fuotbal. De âld-fuotbaltrainer hat geniete fan de finale tusken de Argentijnen en Frankryk.

Ald-sc Hearrenfeantrainer Dwight Lodeweges sjocht doelman Andries Noppert wol ûnder de latte stean by regearjend lânskampioen Ajax. "Als je goed genoeg bent voor het Nederlands elftal, dan ben je ook goed genoeg voor Ajax", seit hy yn de Sportcast. De klup út Amsterdam soe nei't sein wurdt ynteresse yn de Jouster keeper hawwe. Dat hat fansels alles te krijen mei Noppert syn goede prestaasjes op it WK. Lodeweges fynt dat de nije bûnscoach Ronald Koeman Noppert by de seleksje fan it Nederlânsk alvetal hâlde moatte soe. Koeman wie alris earder de bûnscoach fan it Nederlânsk alvetal. Lodeweges wie doe syn assistint, tegearre mei de hjoeddeistige Hearrenfeantrainer Kees van Wonderen. "Als assistenten ben je tijdens de wedstrijd constant aan het discussiëren over het spel. Wat te doen als het anders moet? Als de hoofdtrainer die vraag stelt, dan moeten de assistenten het antwoord snel hebben."

Bûnscoach Louis van Gaal is de man dy't it Nederlânsk alvetal nei de wrâldtitel liede moat. Mar, hy is ek de ynspiraasjeboarne foar de nije Cambuur-trainer Sjors Ultee.

Sipke Hulshoff sil ea as trainer werom komme by SC Cambuur. "Mar no noch net. Dêr is it no noch te betiid foar", seit de assistint-trainer fan Feyenoord yn de Sportcast fan Omrop Fryslân.

De earste wedstriid fan SC Cambuur yn it nije stadion sil nei alle gedachten net yn septimber 2023, mar yn jannewaris fan 2024 spile wurde. Dat seit algemien direkteur Ard de Graaf yn de Sportcast.

It earste doelpunt yn de Fryske derby is in blunder fan SC Cambuur-keeper João Virgínia, dêroer is eltsenien it wol iens. Mar oer de rol fan de Portugeeske doelman by de twadde tsjintreffer is mear diskusje.

It is in bysûndere wike foar it Fryske betelle fuotbal. Snein spylje sc Hearrenfean en SC Cambuur de derby en dêrfoar al, op freed, heart Andries Noppert oft er mei Oranje nei it WK giet.

De systeemwiksel by sc Hearrenfean hat fuortendaliks fertuten dien. Sportferslachjouwer Roelof de Vries seach sneon tsjin FC Utrecht 'de beste helte fan it seizoen'.

De namme fan Sjors Ultee sjongt rûn yn it Cambuur Stadion as opfolger foar Henk de Jong, dy't syn taken foarige wike dellizze moast. Ultee is neffens de sportferslachjouwers yn de Sportcast in trainer dy't geskikt is foar de Ljouwerters.

Pieter Bos kaam net fierder as seis wedstriden foar Cambuur. Yn de Sportcast fertelt Bos op rêstige, mar ymponearjende wize oer syn hertkwaal en hoe't hy te hearren krige dat syn karriêre oer wie.

Keeper Andries Noppert kin him net fine yn de krityk dy't der is op it spul fan sc Hearrenfean. "Wy witte sels ek wol dat we oanfallend mear bringe moatte. Mar we toane ús wol ree om alles te jaan. Soks hat ek tiid nedich."

Sportferslachjouwer Geert van Tuinen rint al jierrenlang om yn it Cambuur Stadion, mar sa'n wedstriid as ôfrûne sneon hat er noch net faak meimakke. Foar it earst yn de histoarje wûn SC Cambuur thús fan PSV.

Dat fuotballers as Jhondly van der Meer, Milan Smit en Floris Smand trochbrekke yn it earste fan SC Cambuur is in logysk gefolch fan de ynfestearrings yn de jeugdoplieding. Dat seit it haad dêrfan, Fedrik Houtstra, yn de SportCast.

Keepersanalist Harm Zeinstra tinkt dat Andries Noppert oproppen is foar it Nederlânsk alvetal fanwege it kearen fan strafskoppen. Dat fertelt de âld-keeper moandei yn de SportCast.

Johnny Jansen komt foarearst net werom yn in offisjele funksje by sc Hearrenfean. De âld-trainer hat al wol wer yn it stadion west, mar in weromkear sjocht er trijekwart jier nei syn ûntslach noch net sitten.

Foeke Booy wit net oft er kommend seizoen noch technysk manager is by SC Cambuur. Syn kontrakt rint nei dit seizoen ôf en hy wit net goed oft er wol by de klup bliuwe wol, fertelt er yn de SportCast.

Noch twa nachtjes sliepe en dan witte we hoe't de seleksjes fan Hearrenfean en Cambuur der út sjogge. Technysk manager Ferry de Haan skoot oan en ferwachtet dat der neat mear fuortgiet.

Sydney van Hooijdonk moat dit seizoen minimaal tsien doelpunten meitsje foar sc Hearrenfean. Dat fertelt syn heit Pierre moandei yn de SportCast fan Omrop Fryslân.

Lykas tsjin Sparta Rotterdam, spile sc Hearrenfean mei 0-0 lyk tsjin Feyenoord. De man dy't útgroeide ta held fan Hearrenfean is doelman Andries Noppert. De Jouster bliuwt sels tige nuchter ûnder syn optreden.

It wie in grutte tebeksetter: de 2-0 nederlaach fan SC Cambuur tsjin promovendus. Der wiene al soargen oer de Ljouwerters en dy binne noch allinnich noch mar grutter wurden, is te hearren yn de SportCast.

Yn trije PC Kafee's sjocht ferslachjouwer en keatskenner Geert van Tuinen foarút én werom op de wichtichste keatswedstriid fan it jier. Dit is diel 3, mei omtinken foar de fan PC 2012 en foar de debutanten fan dit jier.

By sc Hearrenfean rint hast alles op roltsjes, sa krekt foar de start fan it earedivyzjeseizoen. Tritich kilometer fierderop yn Ljouwert is dat oars, wat yn de SportCast liedt ta twivels oer SC Cambuur.

Yn trije PC Kafee's sjocht ferslachjouwer en keatskenner Geert van Tuinen foarút én werom op de wichtichste keatswedstriid fan it jier. Dit is diel 2, mei omtinken foar de PC's fan 1972 en 1982.  

Yn trije PC Kafee's sjocht ferslachjouwer en keatskenner Geert van Tuinen foarút én werom op de wichtichste keatswedstriid fan it jier. Dit is diel 1, mei omtinken foar de PC's fan 1922, 1992 en 2002.

Wite reek boppe it Abe Lensta Stadion. Sydney van Hooijdonk komt wer nei Sportklup Hearrenfean. Technysk manager Ferry de Haan praat der oer yn de Sportcast. En moat Cambuur him soargen meitsje nei de nederlaach yn de oefenwedstriid tsjin PEC Zwolle?

Lewis Fiorini kaam net by SC Hearrenfean, omdat hy op it allerlêste momint keas foar Blackpool. En ek Cambuur seach in transfer op it lêste momint net troch gean. Technysk managers Foeke Booy en Ferry de Haan oer de transfer-simmer fan Cambuur en SC Hearrenfean.

De djoerste oankeap ea fan SC Cambuur Silvester van der Water hat hege ferwachtings. Fan himsels en fan SC Cambuur. Hy is te gast yn de sportcast en we belje mei Gerald van den Belt.

It sil tiid kostje foardat Kees van Wonderen sc Hearrenfean nei syn hân set hat. Dat fertelt de nije trainer fan de klup yn de SportCast fan Omrop Fryslân.

Earefoarsitter Riemer van der Velde hat in soad fertrouwen yn Kees van Wonderen. Sneon stie de nije trainer fan sc Hearrenfean foar it earst op it trainingsfjild by de Feansters.

Henk de Jong is nei in rêstperioade fan in lyts healjier werom by SC Cambuur. De lêste wiken is hy op de eftergrûn al drok dwaande en woansdei stiet er foar it earst wer op it fjild.

Mei syn 70 jier hat Jan Dolstra ferline wike ôfskie naam fan it KNVB. Dolstra wie yn de jierren 80 en 90 ien fan de beste assistint-skiedsrjochters fan Nederlân. Yn de Sportcaat ferteld hy oer syn belevenissen, wêrûnder in wedstriid mei Diego Armando Maradona.

SC Cambuur hat fia Henk de Jong frege oft Mark Diemers derfoar iepen stiet om werom te kommen. Dat fertelt de 28-jierrige middenfjilder yn de SportCast fan Omrop Fryslân.

Assistint-skiedsrjochter Jan de Vries fan Gytsjerk is noch altyd oan it bekommen. Snein waard er by de wedstriid tusken ADO Den Haag en Excelsior bekûgele mei muntsjes, oanstekkers en sels in lyts fleske drank.