შინ - უცხოეთში

იტალიაში, პეზაროში ცხოვრობს პიანისტი მარი ბათილაშვილი. პოდკასტის ავტორს, ოქროპირ რუხაძეს უამბობს, რატომ ჩავიდა იქ 12 წლის წინ, როგორ გახდა ჯუზეპე დი კიარას მოწაფე და როგორ დაუკრა ვატიკანში, რომის პაპის თანდასწრებით.

ფერმწერმა და პოეტმა, გიორგი დუნდუამ გერმანიაში გაატარა 20-ზე მეტი წელიწადი. ახლა თბილისშია ოჯახთან ერთად. პოდკასტის ავტორს, ოქროპირ რუხაძეს უხსნის ის, რას განიცდის თბილისში, თავის სახელოსნოში გამოფენის წინ გაჩენილი ხანძრის გამო და ბერლინზე, თბილისზე, მეუღლესა და სიყვარულზე დაწერილ ლექსებს კითხულობს.

პოდკასტის ავტორი ოქროპირ რუხაძე დღეს გიამბობთ ვერა მურღულიაზე. ვერა საქართველოში სათავგადასავლო ავტორბოლის დამაარსებელია. სამი შვილის დედა ჰყვება, როგორ ასწავლიდა სტუნტობისას ვინდსერფინგს, რატომ დარჩა საფრანგეთში სწავლის მერე და როგორ უყვარს საჭის ტრიალი.

დაჩი ხუციშვილი ბრიტანეთში ფეხბურთის სათამაშოდ ჩავიდა და შემდეგ სამშენებლო-საინჟინრო სფერომ გაიტაცა. პოდკასტის ავტორს, ოქროპირ რუხაძეს, დაჩი უამბობს, რატომ ჩამოშორდა ფეხბურთის თამაშს, როგორ გახდა პროფესიონალი სამოქალაქო ინჟინერი და როგორი ხალხია შოტლანდიელები.

იტალიაში, ნეაპოლში ცხოვრობს ქართველი ლირიკული სოპრანო. პოდკასტის ავტორი ოქროპირ რუხაძე გიამბობთ ახალგაზრდა მომღერალზე, მარიამ გოგბერაშვილზე. მარიამი იხსენებს თავის პროფესორს, კიბოს დაავადების მიუხედავად რომ არ შეწყვიტა სწავლება; გიამბობთ, როგორ მიიღო ის ნეაპოლმა.

ნინო ვაისი ჰანოვერის რეგიონში რამდენიმე ფსიქიატრიულ კლინიკას ხელმძღვანელობს.

მანანა ხორბალაძე ბელგიაში, ანტვერპენშია თითქმის 24 წელიწადი. პოდკასტის ავტორს, ოქროპირ რუხაძეს მიწერა: „ვფიქრობდი, ღმერთო თუ ჩემი სამშობლოს შორს უნდა ვიცხოვრო, მომეცი ძალა, თუნდაც სულ მცირე ვაკეთო მისთვის". ახლა, უკვე ცხრა წელია ქართულ სკოლას და ლიტერატურულ თეატრს ხელმძღვანელობს.

მილანის ქართული ლიტერატურული რესტორანი, იქვე ბიბლიოთეკა, პირველი საინტერნეტო ტელევიზია ქართველი ემიგრანტებისთვის იტალიაში, - ამ ყველაფერს ემიგრანტები უმადლიან მელი თურმანიძეს, რომელმაც 17 წლის წინ დატოვა სამშობლო. პოდკასტის ავტორს, ოქროპირ რუხაძეს მელი ეუბნება, აუცილებლად დავბრუნდები მერისშიო.

ბელგიაში, ბრიუსელთან, ზავენტემში ცხოვრობს ილია მირინაშვილი, ნაფიცი თარჯიმანი, მასწავლებელი... ილია მირინაშვილი პოდკასტის ავტორს, ოქროპირ რუხაძეს უყვება, რატომ უყართ ის მოწაფეებს განსაკუთრებით, რომ ვერ ეხმარება თარჯიმნობისას თანამემამულეებს და როგორ სურს პაპის მარანი შილდაში სულ სავსე იყოს ღვინით.

პოდკასტის ავტორი, ოქროპირ რუხაძე გიამბობთ ჰანოვერის უმაღლესი სამედიცინო სკოლის მკვლევარზე, იმუნოლოგზე, დოქტორ ჯაბა გამრეკელაშვილზე. მან დოქტორის ხარისხი გერმანიაში მიიღო, სამი წელი იმუშავა აშშ-ში. იმუნიტეტი, ანთება, უჯრედი, მკვლევრის ცხოვრება უცხოეთში...

პოდკასტის ავტორი, ოქროპირ რუხაძე გიამბობთ მკვლევარზე, პროფესორ ეკა ბერიშვილზე, რომელიც შვეიცარიაში, ჟენევის უნივერსიტეტში, ქსოვილოვანი ინჟინერიის და ორგანოთა რეგენერაციის ლაბორატორიას ხელმძღვანელობს.

რეზო ჯორბენაძე თითქმის 20 წელია გერმანიაშია, შტუტგარტის ცენტრალურ კლინიკაში უფროსი კარდიოლოგი, აღიარებული მწერალი და პიანისტია.

ანა არეშიძე საავტომობილო კონცერნ „ფოლკსვაგენის“ საფინანსო სამსახურების სააქციო საზოგადოებაში იურისტია. ანა პოდკასტის ავტორს, ოქროპირ რუხაძეს უამბობს გერმანიაში გატარებულ წლებზე - იქ ჩემი თავის შეცნობა შევძელიო, ამბობს ვაჟის დედა და "შინ - უცხოეთში" თავის წარმატებასა და გამოწვევებზე ჰყვება.

ნიუ-იორკში, Brain Wellness Center-ში ნეიროფსიქოთერაპიის და ნეიროფითბექის დეპარტამენტს განაგებს აზა მანთაშაშვილი. ის პოდკასტის ავტორს, ოქროპირ რუხაძეს ეუბნება: დედა არის შეუცვლელი, საქართველო ჩემი დედაა და სადაც დედაა, სახლიც იქ არის... აზა მანთაშაშვილი - შინ-უცხოეთში.

ირლანდიაში ცხოვრობს ეკა მუქერია - პროფესიით ექიმი და ორი შვილის დედა. ახლა იქ სამედიცინო ტექნიკის ამერიკულ კომპანიაში მუშაობს. პოდკასტის ავტორს, ოქროპირ რუხაძეს უამბობს თავის გზაზე შორეულ ირლანდიამდე.

ნუცა ბურდული სტოკჰოლმში ცხოვრობს, სამეფო სამედიცინო ინსტიტუტის დოქტორანტია. ის კიბოს სამკურნალო - „ბუნებრივი მკვლელი უჯრედების“ კვლევაშია ჩართული. 13 წელი ცხოვრობდა ირლანდიაში, სადაც ბიოქიმია ისწავლა. ახლა კი, ფლორიდაში მოქმედი კიბოს კვლევის ცენტრის მეცნიერ-კონსულტანტია.

რეიკიავიკის მცხოვრებთა დიდი ნაწილი უსმენდა ორკესტრს, როცა მას დირიჟორობდა მირიან ხუხუნაიშვილი. დღეს თავისი პროფესიის საიდუმლოებებზე და იმაზეც გიამბობთ, რომ ნიკო ხუხუნაიშვილი (მირიანსონი) ამ ქალაქში გაჩნდა.

გაბედეთ, შრომა ყოველთვის ფასდება, - ეუბნება ოქროპირ რუხაძეს, „ბერლინელი“ თამარ გამრეკელაშვილი, რომელიც ჰყვება განვლილ გზაზე ძლევიჯვრიდან ბერლინამდე და იმაზე, როგორ მოუწია "უფსკრულის" გადალახვა განათლების და ცოდნის დონეს შორის სამშობლოსა და გერმანიაში.

პოდკასტის ავტორი, ოქროპირ რუხაძე გაგაცნობთ მანანა სიფრაშვილს. ის იტალიაში, რეკანატიში - ჯაკომო ლეოპარდისა და ბენიამინო ჯილის ქალაქში - ცხოვრობს. იტალიური ენის მასწავლებელი, სახელმძღვანელოების ავტორი თბილისში იტალიური კულტურის ცენტრის თანახელმძღვანელია.

ანნა ჭინჭარაული ხევსურების ბარში ჩასახლების, ვაინახი ხალხების ძალით აყრის და მათი მიწების ქართველებისთვის გადაცემის საკითხებს იკვლევს. საერთოდ, ამ ადამიანების ტრაგიკული ბედია მისი ინტერესის თემა. ახლახან მან ბერლინის ბიბლიოთეკებში იმუშავა წყაროების გასაცნობად.

ინგოლშტადტის ქართული სამრევლო, გერმანიაში, ხალხის სურვილით, მღვდელმოწამის, გრიგოლ ფერაძის სახელობისაა.  ქრისტესშობის დღეს პოდკასტის ავტორი, ოქროპირ რუხაძე სამრევლოს მღვდელთან, გრიგოლ ჭეჟიასთან შეგახვედრებთ.

ქეთი აბიათარი იტალიაში, კოპწია ქალაქ პეზაროში ცხოვრობს. მუსიკოსია, მევიოლინე და მომღერალი. საშობაო მუსიკას რომ ვასრულებ, თავს ისე ვგრძნობ როგორც წირვაზეო, უთხრა პოდკასტის ავტორს, ოქროპირ რუხაძეს. შობა-ახალი წლის პერიოდში ავსტრიაშია, ტიროლის საფესტივალო ორკესტრთან ერთად უკრავს.

პოდკასტში ნიუ-იორკში მცხოვრებ ექიმ ქეთევან შავლიაშვილს მოუსმენთ. ავტორს, ოქროპირ რუხაძეს, ექიმი, ფუნქციონალურ მედიცინაზე ესაუბრება. ასევე, რჩევებსაც გვაძლევს და გვიამბობს, როგორ განვითარდა მისი სამედიცინო კარიერა პორტუგალიაში და შემდეგ აშშ-ში.

რომში სომელიედ მუშაობს თაკო ჭიჭიბოშვილი, რომელსაც იტალიელმა თანაკურსელებმა, როცა ამ ხელოვნებას სწავლობდა, "ქვევრის გოგო" შეარქვეს. პოდკასტის ავტორი, ოქროპირ რუხაძე, თაკოსთან ერთად მის საქმეზე, სხვათა შორის, ყვარლიდან რომში წაღებულ ცოდნაზე და იტალიის დედაქალაქში თავის ცხოვრებაზე გიამბობთ.

სიცილიაზე, პალერმოში ცხოვრობს რუსკა ჟორჟოლიანი, იტალიურენოვანი ქართველი მწერალი, რომანების ავტორი. მესტიაში დაბადებული ქალი პოდკასტის ავტორს, ოქროპირ რუხაძეს უამბობს სიცილიის დედაქალაქის დუმილზე, თავის სურვილზე, რაიმე უთხრას მეორე სამშობლოს ლიტერატურის გზით, იტალიელ დედობილ-მამობილზე...

თემო პოტასკაევი სამი წლისა იყო, როცა ოჯახმა სოხუმი დატოვა. იურისტი და მგალობელი ახლა სტოკჰოლმში ცხოვრობს. პოდკასტის ავტორი, ოქროპირ რუხაძე თემოსთან ერთად გიამბობთ გზაზე სოხუმიდან სტოკჰოლმამდე, მის ბაბუაზე, რომელიც უკრაინიდან წამოიყვანეს სულ პატარა მეორე მსოფლიო ომის დროს.

მარიამი 12 წელია იტალიაში ცხოვრობს და ამბობს, „ნახევრად იტალიელი ვარო.“ პოდკასტის ავტორს, ოქროპირ რუხაძეს უამბობს, როგორ დაწერა ბარის ალდო მოროს უნივერსიტეტში “სიღარიბის თემა დოსტოევსკის ნაწარმოებებში” და რამ უბიძგა ქართველი ემიგრანტებისთვის იტალიური ენის სახელმძღვანელოს შექმნისკენ.

სოლომონ ნერგაძე - მოლეკულური ბიოლოგიის ასოცირებული პროფესორია პავიის უნივერსიტეტში. პოდკასტის ავტორთან, ოქროპირ რუხაძესთან ერთად გიამბობთ, რა მიზანი აქვს კვლევას, რატომ უყვართ სტუდენტებს პავიაში ქართველი პროფესორი, როგორ დაიწყო კვლავ მოთხრობების წერა იტალიაში.

პოდკასტის ავტორი, ოქროპირ რუხაძე გიამბობთ მკვლევრის, ნენო გაბელიას ცხოვრებაზე რომში. ნენომ მიაგნო იქ გიორგი აფხაზის საფლავს, პოლიტიკურ მეცნიერებათა დოქტორი იკვლევს აფხაზეთის კონფლიქტს. მისი ოჯახი წარმოშობით გალიდანაა.

პოდკასტის „შინ - უცხოეთში“ ავტორი ოქროპირ რუხაძე გიამბობთ საბინა ჭანტურიაზე, შვედეთში დაბადებულ მუსიკოსზე, კომპოზიტორსა და მომღერალზე.

პაატა დემურიშვილი გერმანიაში, მანჰაიმში ცხოვრობს. სამ ათეულ წელზე მეტია, მუსიკოსი და პიანისტი უცხოეთშია. JAZZ am NECKAR მისი დაარსებული კონცერტების სერიაა.

სამხრეთი იტალიის ერთ პატარა ქალაქში, გრავინაში სახლობს ამჟამად ელიზა გამრეკელაშვილი თავის მეუღლესთან, გურამთან და შვილებთან, პატარა ნერსესა და ნარესთან ერთად. საქართველო დატოვეს და ახალ ცხოვრებას იწყებენ.

მარიამ კემპტნერი (ხაჩიძე) ჰაიდელბერგში ფრანგული რესტორნის, „ტატის“ მფლობელია. პოდკასტის ავტორი, ოქროპირ რუხაძე მარიამთან ერთად გიამბობთ ამ განსაკუთრებულ ადგილზე; მის შემართებასა და სიბეჯითეზე - არ უღალატოს ქმართან ერთად დაწყებულ საქმეს და მუსიკაზე, რომელიც რესტორანში ისმის ხოლმე...

თათია ქორთუა  ბერლინში ცხოვრობს. მუსიკოსია, თვითონ თხზავს მუსიკას, სიმღერების ტექსტებს, მღერის... პოდკასტის ავტორი ოქროპირ რუხაძე თათიასთან ერთად გიამბობთ მის საქმიანობაზე, უცხოეთში ცხოვრებაზე და იმაზეც, თუ რა მნიშვნელობა აქვს მუსიკას ბავშვების აღზრდაში და როგორ იწერება სიმღერები ინგლისურად.

„ჩემი ოთახი“ საქართველოში ჯერ არ უჩვენებიათ. მის რეჟისორს, იოსებ „სოსო“ ბლიაძეს, ოქროპირ რუხაძე კარლოვი ვარიში შეხვდა და ესაუბრა 9 ივლისს დასრულებულ საერთაშორისო კინოფესტივალზე აღიარებულ მის ფილმზე, ცხოვრების ერთი-ორ ამბავსა და კინოში გულწრფელობაზე, მეგობრობაზე, ქალების თავისუფლებაზე.

პოდკასტის, „შინ-უცხოეთში“, ავტორ ოქროპირ რუხაძეს ლონდონში, BP-ში, ბიზნესის განვითარების უფროსი მენეჯერი ევროპის რეგიონში, თათია ჯულაყიძე უამბობს ცნობისმოყვარეობის ნიჭზე, საქართველოს ენერგოდამოუკიდებლობაზე, იმაზე, თუ როგორ უნდა უამბოს ინგლისურ სამყაროში ქართული ზღაპრები თავის პატარა გოგონას.

მაასტრიხტში, ნიდერლანდის ულამაზეს ქალაქში, ცხოვრობს ოჯახი: ბარბარე და ანაბელი, მათი დედა, ნინო და მამა ბესო.

ზურაბ ნადარეიშვილი - ექიმი-ნევროლოგი, ინსულტის სპეციალისტია. ვირჯინიის ჰოსპიტალური ცენტრის ასოცირებული პროფესორი პოდკასტის „შინ - უცხოეთში“ ავტორთან, ოქროპირ რუხაძესთან ერთად გვიამბობს თავის გზაზე კანადიდან აშშ-ში, ინსულტთან ბრძოლაზე, მიღწევებზე ამ საქმეში, თავის წარმატებაზე მედიცინაში.

ვახო ჭეიშვილი ხელოვნების კურატორი და თან ხელოვანია, ახლა მიუნხენში ცხოვრობს. ხელოვნების ერთმა ევროპელმა კრიტიკოსმა უთხრა, შენი ხელოვნება ქართული პოლიფონიასავითააო. ვახო 1990-იანი წლების დასაწყისში წაიყვანეს მშობლებმა გერმანიაში. ახლა ფრანკფურტის გოეთეს უნივერსიტეტში მუშაობს სადოქტორო თემაზე, რომელიც ესთეტიკის საკითხებთანაა დაკავშირებული. მას მოზრდილთა განათლების, კვალიფიკაციის ამაღლების და იმიჯის შექმნის სფეროებთანაც აქვს შეხება. ამის ნაწილია ემიგრანტებისთვის პროფესიული ორიენტაციის გასარკვევად რჩევების მიცემა და ასევე მნიშვნელოვანი - გერმანული ენის სწავლება.

ხელოვნება, როგორც თავგადასავალი და ახალი მისტერიული თეატრი: პოდკასტის „შინ - უცხოეთში“ ავტორი, ოქროპირ რუხაძე გიამბობთ გიორგი ჯამბურიაზე. ის ცხოვრობს და მუშაობს როგორც რეჟისორი, მწერალი და მთარგმნელი ბერლინსა და თბილისში. გიორგი ჯამბურიამ ისწავლა ბერლინში ფილოსოფია და გერმანული ფილოლოგია, შემდეგ ბერლინის ხელოვნების უნივერსიტეტი დაამთავრა სასცენო წერის განხრით. მისი სადიპლომო პიესა „გველის მჭამელის“ მოტივებზეა შექმნილი.

პოდკასტის "შინ - უცხოეთში" ავტორი, ოქროპირ რუხაძე ბერლინში მცხოვრებ ლელა გრისბახთან ერთად გიამბობთ წარმატებულ ქალზე, რომელმაც იცის, რომ თითოეულმა ჩვენგანმა პასუხისმგებლობა საკუთარ თავზე უნდა ავიღოთ და თუ დამოუკიდებლობა გვსურს, სხვის იმედად არ უნდა ვიყოთ

ავთანდილ კოხოძე იძულებული იყო ოჯახთან ერთად კიევი დაეტოვებინა და ახლა დასავლეთ უკრაინაში, ლუცკშია, ორ შვილთან და ცოლთან ერთად. უკრაინაში ის სიყვარულმა წაიყვანა 2009 წელს და იქვე დარჩენა ამჯობინა. პოდკასტის "შინ უცხოეთში" ავტორი, ოქროპირ რუხაძე განათლებით ფსიქოლოგ ავთანდილ კოხოძესთან ერთად გესაუბრებათ შიშსა და სიმამაცეზე ომის პერიოდში, უკრაინელების თვისებებზე, ამ ქვეყნის ხალხის ახლანდელ ერთიანობაზე.

გიორგი კვაჭაძე ფინეთში ცხოვრობს. ის წვიმიან, მაგრამ თბილ ბათუმში გაიზარდა. რუსეთის აგრესიის გამო ფინეთის ნეიტრალიტეტისთვის შექმნილ საფრთხეზე, შრომისადმი თავის არაქართულ დამოკიდებულებაზე, ფინურ ხუმრობაზე, თევზეულსა და ამ ქვეყნის კულინარიაზე, და სხვა ამბებზე ესაუბრება გადაცემის „შინ - უცხოეთში“ ავტორი, ოქროპირ რუხაძე ეკონომისტს, რომელიც ახლა ბიზნესის ანალიტიკოსია ფინეთის უძველეს კომპანიაში, ვიჰურის ჯგუფში.

ლიზი მამრაძემ გერმანიაში, მანჰაიმის უნივერსიტეტში, ბიზნესის მართვის სწავლა როცა დაიწყო, უკვე პიანისტი იყო. „ეკონომმუსიკოსმა“, როგორც მას მეგობრებმა შეარქვეს, უკვე სწავლისას გამოიჩინა თავი თეორემების ამოხსნის ყველაზე არასტანდარტული გზების მიგნებით. ახლა ის, მაგისტრის ხარისხით, ჰაიდელბერგში საერთაშორისო კომპანიის, „პრაისუოტერჰაუსკუპერსის“ თანამშრომელია.

უცხოეთში თვითონ არ წასულა სალომე კვანტალიანი. იქ დაიბადა, გერმანიაში, მიუნსტერში გაატარა ბავშვობა, სკოლის წლები და ახლა ბონში მედიცინას სწავლობს, პედიატრობა სურს. სალომეს მუსიკის თერაპიაში მცირე გამოცდილება უკვე აქვს, უმუშავია კიდეც ბავშვებთან, ონკოლოგიურ კლინიკაში. 20 წლის ახალგაზრდა ქალი არაერთ მუსიკალურ ინსტრუმენტზე უკრავს, მღერის და ბალეტიც უბრალოდ გატაცება არ არის.

პოდკასტის ავტორი, ოქროპირ რუხაძე, გიამბობთ ალექს ლობჟანიძეზე, მსოფლიოს ერთ-ერთი უდიდესი და ყველაზე ცნობილი კომპანიის, „ამაზონის“ სათავო ოფისში, სიეტლში, აშშ-ში, პროგრამული უზრუნველყოფის ინჟინერზე.

ეკა რევაზიშვილი ექიმია გერმანიაში, ოსნაბრიუკის „კლინიკუმში“. მან საქართველოში პედიატრია ისწავლა, შემდეგ გერმანიაში გადასახლდა, მიუნსტერის უნივერსიტეტის სამკურნალო ფაკულტეტი დაამთავრა, შინაგანი მედიცინის სპეციალისტი გახდა.

მაკა ხუსკივაძე სტამბოლში მოქმედი „ცისფერი ფრანის თეატრის“ მსახიობია. ის პოეტიც არის, ფსევდონიმად „ოკრიბელი“ აქვს აღებული. მსახიობი და პოეტი სამი ვაჟის დედაა. სცენაზე უკვე საქართველოში ავიდა, მაგრამ სულ ახალგაზრდა ბედმა თურქეთში გადააგდო, სტამბოლში დასახლდა და იქ მიაგნო "თავის" თეატრს.

ნინო ზურებიანის მიზანი კარგი ექიმობა იყო და ეს მიზანი მიღწეულია. ბერლინის სახელგანთქმულ კლინიკაში, შარიტეს საუნივერსიტეტო საავადმყოფოში ბავშვთა და მოზრდილთა განყოფილებაში მუშაობს. თავისი საქმით ბედნიერი ექიმი ამბობს, რომ მისთვის უდიდესი მადლობა მორჩენილი ბავშვის თვალების ნახვაა.

აკაკი ფოფხაძე ნიცაში ცხოვრობს. მისი მომავალი პირველი სრულმეტრაჟიანი ფილმის, „დაე, დაიწვას სისხლი,“ მოქმედება ამ ქალაქის მეორე ნაწილში, არამდიდარსა და გაუპრანჭავ ნიცაში ხდება, ქართველი ემიგრანტების ოჯახში.

ანა ჯინჭარაძე დოცენტია შტუტგარტის თავისუფალი უმაღლესი სკოლისა, სადაც ვალდორფის სკოლების პედაგოგები იღებენ განათლებას. ამავე უმაღლეს სკოლაში ისწავლა. პიანისტის ხელოვნებას დაეუფლა შტუტგარტის მუსიკისა და გამომსახველობითი ხელოვნების სასწავლებელში. მრავალმხრივი ადამიანია. შტუტგარტში, მათ კაფეში, სადაც ქართული ფხალეულიც მზადდება, ბრაზილიური ცეკვის სკოლაცაა...

შინ - უცხოეთში გაიცნობთ გიორგი ვაჩნაძეს, რომელმაც აშშ-ის ნიუ-მექსიკოს ქალაქ ლას-კრუსესში გაატარა ოთხი წელიწადი, ფილოსოფია ისწავლა. აშშ-ში ბაკალავრის ხარისხის მოპოვების შემდეგ დაუბრუნდა საქართველოს და მერე კვლავ ესტუმრა ფენომენოლოგიაში ჩასაღრმავებლად დასავლეთს - ბელგიას, ლიუვენს, სადაც შედგება მისი მაგისტრად აღიარება ბიოპოლიტიკის სფეროში. სააზროვნო თემებით შეკითხვები, რომლებიც დღეს, პანდემიის დროს უნდა დაისვას: ხომ არ ხდება თავისუფლების აღკვეთა აბსტრაქტული რისკის სახელით? რატომ მოქმედებენ რაციონალობის სახელით არარაციონალურად? ხომ არ „გამოიჭირეს“ მედიცინა პოლიტიკოსებმა? და ისიც, რომ რიცხვების იდეოლოგიასაც უნდა ინტერპრეტაცია.

მაია ხეთაგური, ათი წელიწადია, იტალიაში, აპულიის რეგიონის ერთ პატარა ქალაქში, გრუმო აპულოში, ცხოვრობს. 90-იან წლებში, ეთნიკურ ნიადაგზე კონფლიქტის დროს, იძულებული გახდა საქართველო მიეტოვებინა და უკრაინისთვის შეეფარებინა თავი.

გიგა კოპაძე 24 წლის იყო, როცა იდგა გალისიის ერთ ქალაქში მარტო და არ იცოდა, რა ექნა. მას მერე უკვე შვიდი წელი გავიდა. ის ახლა მადრიდის უნივერსიტეტში, სადაც მაგისტრის ხარისხი მიიღო, სასწავლო რესურსებისა და ონლაინ სწავლების დეპარტამენტის მენეჯერია.

ქართული და გერმანული ერთად, ერთ ლექსში, როცა ქართული სიტყვა გერმანულივით ჟღერს, მოგისმენიათ? და თუ გინახავთ ფიგურული ლექსები, როცა სიტყვები გამოხატავს არა აზრს, არამედ ფორმას გიჩვენებთ. ამ პოეზიის ავტორი, ელზა ჯავახიშვილი 17 წელია გერმანიაში ცხოვრობს.

ერთი სულხან მეტრეველი დიდ მონაცემთა ანალიტიკოსია, მეორე - ალგორითმული ბიზნესმენი, მესამე - ჟურნალისტი ... ჯერ თბილისში ჟურნალისტიკა ისწავლა, შემდეგ შვეიცარიაში, ციურიხის უნივერსიტეტში, განაგრძო სწავლა, დაიცვა სადოქტორო დისერტაცია და იქვეა ლექტორი.

გიორგი ქართველი, 19 წელია, ესპანეთში ცხოვრობს, ლა რიოხის რეგიონში, არნედოში. ყმაწვილი იყო, როცა დედამ წაიყვანა უცხოეთში. „მეამბოხის სული მაქვსო“ და ვერ სჯერდება ერთ რამეს - ვიდეობლოგებს აკეთებს და ბარმენადაც უმუშავია.

პაპუნა შარიქაძე მუსიკოსია, კომპოზიტორი, პიანისტი. ამჟამად თბილისშია, მაგრამ თვალი დასავლეთისკენ უჭირავს. აშშ-ში ბერკლის სამუსიკო კოლეჯი რომ დაამთავრა, სურდა, როგორც თვითონ თქვა, ემარჯვა ბრძოლაში და ფეხი მოეკიდა ნიუ-იორკში.