Papia BIDA

Danki Dios ‘Danki Dios’ ta un frase ku nos ta uza konstantemente den nos vokabulario. Tin bes asta inkonsientemente nos ta uza e palabranan aki den nos bida diario. Ilaiza i Richandró ta papia tokante gradisimentu, gradisimentu ta e nifikashon berdadero tras di e palabranan "Danki Dios". Ta bon pa nos tin un aktitut di gradisimentu pa Dios i e personanan den nos bida. E parti spiritual semper ta esun importante, den Beibel tin diferente teksto ku ta papia tokante gradisimentu. 1 Tesalonisensenan 5:18 "yama Dios danki bou di tur sirkunstansia, pasobra esei ta loke Dios ta deseá..." nos semper mester tin un kurason di gratitut i yama danki. Ta bon pa nos ta agradesido na e personanan den nos bida, nan ta yuda "challange" nos i yuda nos krese i bai dilanti. Pues tin un kurason i aktitut di gratitut ta yuda nos bida personalmente i spiritualmente.

Ilaiza ta papia tokante simia, plantamentu i kosecha. Literalmente e por ta siña nos kon pa planta i kuida di mata pa na final nos disfrutá di e kosecha. Pero ku nos apliká tur esakinan den nos bida, nos por komprondé ku sierto temporadanan ku nos ta pasa den lo tin momentunan ku Dios ta planta sierto simianan i ta na nos pa kuida di esakinan pa despues di tempu nos por tin un bon kosecha ku nos por disfrutá di dje.

"Negotiables" i "Non-Negotiables" promé bo drenta un matrimonio. Matrimonio ta un union enter dos hòmber i muher ku ta bini ku nan propio pasadó pa forma un bibá huntu. Kiko ta e kosnan ku nos kada un ta hasi den nos relashon pa prepará pa e bida matrimonial i kiko pa abo personalmente ta e kosnan negoshabel i no-negoshabel despues ku bosnan drenta matrimonio. Matrimonio konose diferente desafionan, kon boso ta solushoná difikultatnan den boso matrimonio pa mantene un matrimonio salú. Tambe ta importante pa para ketu un ratu I refleha riba kon nos ta papia di nos pareha dilanti di nos famianan, amigunan òf otro nan.

Palabranan ta e kos prinsipal pa komunikashon. Ku nos palabranan nos por krea i por kibra.

Den nos bida nos ta enfretá diferente tribulashon i bataya nan spiritual den nos relashonnan, finansia, na trabou etc. Ta importante pa nos para ketu, tuma un momentu i pensa kon nos por superá e tribulashon i bataya nan spiritual aki. Unda abo ta buska yudansa, serka un amigu of un miembro di famia? òf bo ta buska bo yudansa serka Dios? Mientras nos ta pasa den e desafionan den nos bida I ku nos involukrá Dios den tur situashon, nos ta bai kuminsa mira Dios su man riba nos bida. E pregunta ta; Kon bo ta buska Dios ora bo ta den situashonnan ferfelu òf ora ku bo tin ku tuma desishonanan difísil?

Den e episodio aki nos kier pone énfasis riba e importansia di un bon fundeshi. Ta esensial pa nos bida ta basá riba un relashon sólido ku Dios pero tambe aplikando e prinsipionan bíbliko ku tin e propósito di enrekesé nos bida i hala nos mas serka Dios. Konsekuentemente ta resulta den un bida di abundansia, un bida bendishoná.

Felisidat ta diferente pa kada un di nos. Mayoria bes nos ta buska felisidat den 'kos' òf den otro un persona. Kontinuamente nos ta den búskeda di felisidat. Pero e loke ku nos ta kere ku realmente ta hasi nos felis, ta hasi nos felis di berdat? Algun pregunta pa pensa riba dje: • Kiko ta hasi mi felis di bèrdat?• Unda of den kiko mi ta buska mi felisidat? • Kiko ta definishon di felisidat berdadero?

Nos bida i futuro (vershon di nos mes) ta basá riba nos hábitonan. Nos hábitonan ta un sèt di desishonnan ku nos a tuma adelantá, ku ta yuda nos biba nos mihó bida. Ta importante pa nos krea hábitonan pa nos bida spiritual, nos relashon ku Dios pero tambe den e areanan práktiko di bida. Algun pregunta pa pensa riba dje:• Kua hábito bo ta aplikando kaba den bo bida?• Kua hábito bo tin ku kuminsa traha riba dje? Ki desishon bo por tuma pa realisá esaki?• Ki ta e opstákulo di mas grandi ku bo ta premirá ku lo stroba bo di kuminsá ku un hábito nobo?

Nos ta biba den un mundu yen di tribulashon i opstákulonan. Nos tin e oportunidat pa tuma e desishon pa lanta i krea. Re-konstruí nos bida kaminda ta nesesario. Nos mihó dianan ta nos dilanti.

E bunita 'journey' i preparashon i eksperensia di 'bira mama'. Tambe e momentunan difisil ku nos ta enfrentá komo mayor i kon pa nabegá esakinan mas mihó posibel.

Un kombersashon interesante ku Nahum i Nerija riba e tema di matrimonio. Kiko nan a siña den e periodo promé ku nan a kasa i durante nan promé tempunan huntu.

Awe nos ta papia ku Benjamin ariba e diferensia entre 'growth' i 'fixed' mindset. E retonan ku nos ta enfrentá i kon nos por nabegá bida efektivamente dor di kambia nos manera di pensa i permití Dios yuda nos den e proseso aki.

Den e programa aki nos a toka e tema di orashon; papia ku Dios. Kon nos por ta (kontinuamente) den kontakto ku Dios i kon esaki ta afektá nos mes personalmente i nos relashon ku Dios.